Zomi vs Chin (Suut kikna)
- Aki gelhni: Thursday, 19 January 2012 23:41
- Bangzahvei kisim: 121
Sanggamte,
Thumaa: Hehpihna tawh alungluut hetlote in hongna delete sakzaw unla, khatvei hong suutpha nuam-ing Zomi leh Chin tungtaang!
"Chin-ah luutkiik-ni" cih'thulu (I-groups neihsunte'sung-ah) khat' tung-ah kidawnna tampi I-mu uhhi. Ahihleh luutkiik ding-in banghun-in Chin pan-in paikhia I-hihiam cihthu lungngaih kiikpak lehang, Zomi akicite Chin pan-a apaikhiatna taangthu tuanthu-ah kigelh ngei naailo ding-a, Chin sung-ah aluutna-zong kigelh ngeilo dinghi (om gige-a alaaibu asimkha I-omleh keizong hong vaaihawm sak-un, ka'sim nuam-hi). Zomite Chin-ah aluut ngeiloh mahbang-in Chin pan-in paikhia ngeilo ahihna hoihtak saang masa photni.
Chin cih kammal aki paksakzia:
Chin cihpen 1990 kum masiah "Chin" hong kicih ciang-in "Chin Soh" hong kicihkei naakleh Zomite kiheh khollo-in, Laimite-zong
"Chin" akipaakpih tuanloh mahbang-in hehzong heh tuanlo-hi. Zomi madawk
masate mahmah inzong "Chin" minvawh kipawlna tuamtuam-ah panmun
lianpipi ngah zawsop-uh ahihman-in Zomi akicite hitaleh Laimi akicite
hitaleh "Chin" hong kicih ciang-in nuamna omlo-in leh hehna-zong
omlo-hi. Minam veiidiak ataangpi-in "Zomi hihang" cihleh "Laimi kansi"
ci uh-a, a_Chin lamsang ki-awlmawh khollo-hi.
Tuabang hun sung-in 1988 ciang-in Kawlgam mipi kitomna hong piang-a, tua hun-a pat-in mualtung mite' minam lungsim hong ki-satsuah heet-huut (Zomite tuazahpi hi tuankhollo)-hi. 1990 Kiteelna sungteng Zomite' sang-in Laimite' sung-ah minam phungvuhnopna leh minam liatsaknopna akhauhpai zawklam hong kilangh-a, "Tedimte' khutnuai pan-a suahtaakna" cihkhat minam sung-ah hongvawh uhhi. ("Tedimte" hongcih man-in Tedimmi cihbang hituanlo-hi, eite-in amaute "Khalkhate" I-cihmiau-tawh akibang hilel-hi, amau Khalkhate hilo-hi, akhuapi kawk-a akigenbek ahihi). Banghanghiam cihleh Mah-Sah-Lah hunsung Zomi akicite Chin State sung-a upaphual (office) lianteng-ah alulam-in om ahihman ahihi.
Amaute' thuakna leh veiina tungpan-in politics mitkeuh masa uh-a, bangmah hi-ngaplo pipi-mawh "Chin Nation Front/Army (F leh A-pen aciillam-in Khalkha leh Thantlang akitapna pan-a F pan-in A akitam hi-a, Zomi-mah common gaal bang-in hong seh-uh ahihman-in kigawmkiik uhhi) min hongvawh lingleng-in Chin Staté buppi' satanh/share/khwey-daan bullet zawhding nana mukhol thamlo-in ma hongpang-uh ahihman-in "khe-mia-doh Zomi dii-neh kyonnaw-doh Chin-dii ma-tuu bu-le" aci giahgiah dingzah-in amau' singtaang khuaneu mite nangawn thuzawh uhhi (kikhualna, sisan theihna, Pasian'deih ahihi, Zomi adawk sunsunte-in singtaang-a Zomite genloh Tedim pan-a ahawhsukte nangawn haiibawl). 1990 khitnung-ah Laimite-in "Chin" hong paksak mahmah uh-a, aciillam-in Zomite-in phamawh salo-hi, ahizong-in satanh cihkhat aki-phawk ciang-in I-satanh kine mangta ahihkeileh uih mangta-hi.
Dr Vumson-in, "Bangbang ahizong-in 'Tedimte'-mah hongci veve mawk,........." acih kammal-in thu tampi gen-hi. Akhiatna-pen Tedim-e Tonzaang-e cihte hilo-in "Namtuam bang-in hongbawl veve-uh" cihna ahihi. Zomite hong tuambawlzia-uh ahoihkhom keimahmah inzong hong suutkhin ka'hihman-in suutthuah kei-ni!
Hihbang-in amau' sisan, gui, boungte entuam vivel, promote-tuam vilvel cihpen ataktak-in Israel mite' zia hi-a, Zomite tua-tawh (hia hunlaai-in cini) kilehbulh-hi. Political mit keuh-in itna neithei ahihman-in "Chin" cih hong paksak uh-a, Laimi lote "Chin" akici-phial zong-in awlmawh deklo uhhi. Tua baan-ah, "Chin (ahihna hilo, aziakzuui: Chin State satanh khempeuh amau'khutpan hawmding Vompi sa-hawm theiding cihthu amuh manbek-in) a-Chin"-pen buplaakding haanciam uh-a, "Laimi" nangawn kici nuam nawnlo uhhi. Hihpen politics kimawlna gui-khat ahihi.
Chin -pen Minam Lawhna hilo-hi; Chin State ci-a I-gamlei aki ciapteh man-in mite-in "Chin" hongci ahihteh ci-a Chin kicih-pen amaanlo ahihlam Laimite inzong thei khading uhhi. Tua State sung-a hamphatna leh thuneihna lamsang-ah alu lam-a pannop man-a "Chin state-ah om I-hih man-in Chin I-hihi" cihmawk zawzeen-pen ataktak-in Penglamvaai mahmah bilbel-hi. Gentehna pawlkhat: Gamlei min leh Gammi kilawhnate enpak-ni.
Thumaa: Hehpihna tawh alungluut hetlote in hongna delete sakzaw unla, khatvei hong suutpha nuam-ing Zomi leh Chin tungtaang!
"Chin-ah luutkiik-ni" cih'thulu (I-groups neihsunte'sung-ah) khat' tung-ah kidawnna tampi I-mu uhhi. Ahihleh luutkiik ding-in banghun-in Chin pan-in paikhia I-hihiam cihthu lungngaih kiikpak lehang, Zomi akicite Chin pan-a apaikhiatna taangthu tuanthu-ah kigelh ngei naailo ding-a, Chin sung-ah aluutna-zong kigelh ngeilo dinghi (om gige-a alaaibu asimkha I-omleh keizong hong vaaihawm sak-un, ka'sim nuam-hi). Zomite Chin-ah aluut ngeiloh mahbang-in Chin pan-in paikhia ngeilo ahihna hoihtak saang masa photni.
Chin cih kammal aki paksakzia:
Chin cihpen 1990 kum masiah "Chin" hong kicih ciang-in "Chin Soh" hong kicihkei naakleh Zomite kiheh khollo-in, Laimite-zong
"Chin" akipaakpih tuanloh mahbang-in hehzong heh tuanlo-hi. Zomi madawk
masate mahmah inzong "Chin" minvawh kipawlna tuamtuam-ah panmun
lianpipi ngah zawsop-uh ahihman-in Zomi akicite hitaleh Laimi akicite
hitaleh "Chin" hong kicih ciang-in nuamna omlo-in leh hehna-zong
omlo-hi. Minam veiidiak ataangpi-in "Zomi hihang" cihleh "Laimi kansi"
ci uh-a, a_Chin lamsang ki-awlmawh khollo-hi.Tuabang hun sung-in 1988 ciang-in Kawlgam mipi kitomna hong piang-a, tua hun-a pat-in mualtung mite' minam lungsim hong ki-satsuah heet-huut (Zomite tuazahpi hi tuankhollo)-hi. 1990 Kiteelna sungteng Zomite' sang-in Laimite' sung-ah minam phungvuhnopna leh minam liatsaknopna akhauhpai zawklam hong kilangh-a, "Tedimte' khutnuai pan-a suahtaakna" cihkhat minam sung-ah hongvawh uhhi. ("Tedimte" hongcih man-in Tedimmi cihbang hituanlo-hi, eite-in amaute "Khalkhate" I-cihmiau-tawh akibang hilel-hi, amau Khalkhate hilo-hi, akhuapi kawk-a akigenbek ahihi). Banghanghiam cihleh Mah-Sah-Lah hunsung Zomi akicite Chin State sung-a upaphual (office) lianteng-ah alulam-in om ahihman ahihi.
Amaute' thuakna leh veiina tungpan-in politics mitkeuh masa uh-a, bangmah hi-ngaplo pipi-mawh "Chin Nation Front/Army (F leh A-pen aciillam-in Khalkha leh Thantlang akitapna pan-a F pan-in A akitam hi-a, Zomi-mah common gaal bang-in hong seh-uh ahihman-in kigawmkiik uhhi) min hongvawh lingleng-in Chin Staté buppi' satanh/share/khwey-daan bullet zawhding nana mukhol thamlo-in ma hongpang-uh ahihman-in "khe-mia-doh Zomi dii-neh kyonnaw-doh Chin-dii ma-tuu bu-le" aci giahgiah dingzah-in amau' singtaang khuaneu mite nangawn thuzawh uhhi (kikhualna, sisan theihna, Pasian'deih ahihi, Zomi adawk sunsunte-in singtaang-a Zomite genloh Tedim pan-a ahawhsukte nangawn haiibawl). 1990 khitnung-ah Laimite-in "Chin" hong paksak mahmah uh-a, aciillam-in Zomite-in phamawh salo-hi, ahizong-in satanh cihkhat aki-phawk ciang-in I-satanh kine mangta ahihkeileh uih mangta-hi.
Dr Vumson-in, "Bangbang ahizong-in 'Tedimte'-mah hongci veve mawk,........." acih kammal-in thu tampi gen-hi. Akhiatna-pen Tedim-e Tonzaang-e cihte hilo-in "Namtuam bang-in hongbawl veve-uh" cihna ahihi. Zomite hong tuambawlzia-uh ahoihkhom keimahmah inzong hong suutkhin ka'hihman-in suutthuah kei-ni!
Hihbang-in amau' sisan, gui, boungte entuam vivel, promote-tuam vilvel cihpen ataktak-in Israel mite' zia hi-a, Zomite tua-tawh (hia hunlaai-in cini) kilehbulh-hi. Political mit keuh-in itna neithei ahihman-in "Chin" cih hong paksak uh-a, Laimi lote "Chin" akici-phial zong-in awlmawh deklo uhhi. Tua baan-ah, "Chin (ahihna hilo, aziakzuui: Chin State satanh khempeuh amau'khutpan hawmding Vompi sa-hawm theiding cihthu amuh manbek-in) a-Chin"-pen buplaakding haanciam uh-a, "Laimi" nangawn kici nuam nawnlo uhhi. Hihpen politics kimawlna gui-khat ahihi.
Chin -pen Minam Lawhna hilo-hi; Chin State ci-a I-gamlei aki ciapteh man-in mite-in "Chin" hongci ahihteh ci-a Chin kicih-pen amaanlo ahihlam Laimite inzong thei khading uhhi. Tua State sung-a hamphatna leh thuneihna lamsang-ah alu lam-a pannop man-a "Chin state-ah om I-hih man-in Chin I-hihi" cihmawk zawzeen-pen ataktak-in Penglamvaai mahmah bilbel-hi. Gentehna pawlkhat: Gamlei min leh Gammi kilawhnate enpak-ni.
America - American (I am America or We are Americas aci om ngeilo dinghi)
Australia - Australian
Italy - Italian
Germany - German
State nangawn eg. AU: Victoria - Victorian., Tasmania - Tasmanian., kuamah-in I am a New South Wales ci ngeilo dinghi)
Burma - Burmese
China - Chinese
Zogam - Zomi (Mikaang paukam-in Zoland - Zomish, cbt..)
Australia - Australian
Italy - Italian
Germany - German
State nangawn eg. AU: Victoria - Victorian., Tasmania - Tasmanian., kuamah-in I am a New South Wales ci ngeilo dinghi)
Burma - Burmese
China - Chinese
Zogam - Zomi (Mikaang paukam-in Zoland - Zomish, cbt..)
Hihbangteng atheilo hilo uh-a, eizong
tua-mahbang I-hihi. Chin cihpen State leitang min ahihziak-in
Chinish/Chineese/Chinan/m cihbeek hilehzong zia-om zawdeuh cihtheih
hi-a, tua State sung-a minam lianpien leh thuneipen utna peuh-tawh, "I
am a Chin" cihmawk-pen zumhuai mahmah-hi.
Kawl Gamukte-tawh vaaihawm khop masak hunlaai-in Hmat Pong Tin tungleh akisapna laaiphah khempeuh-ah Origin/Luu-myo acihna mun-ah "Chin" cihding-a apuakluutte mahtawh I-thutheihna akikim-laai zahdong ding-in lupcipding hun nawnlo-a, thawh hunta-hi! Khuavaak ta-in, buh-al khuangkhuang tahi! Ei'pau-a khiatna anei kilkello "aw" khatkhawng "Origin" mun-ah koihkoihlaai buangding I-hihiam cihnop-huai mahmah-hi.
Leitang aluah mite' min-tawh tua leitang min kiphuakzaw tawntung sungpan-in Zomi Pulehpate leh Laimi pulehpate' luahna leitang-pen Zogam/Zoland leh Lairam/Lailand akici diimdiamding hi-kimlaai Seen-gam lam-a Ching/Xing leh Zhou te' suanlehkhaakte I-hihlohlam teci apang ding-in pupa' luahsa leitang-ah thunei khomkhop ding-in thutheihna mi masate-in nana neilo-uh ahihman-in Kawlmaangte leh Vaaimaangte' mawkphuah "Chin" -pen minam-min daan-in akizangh hi tazen-hi. Tua pilna leh thutheihna neilo pulehpate-mah bang-in I-hihna maan I-promote lohman-in "Chin"-pen minam min ahihlohlam kitelcian nawnlo zahdong-in hongki mengcip ahihi.
"Chin" cih kammal akizaakdahna:
I-suutsa mahbang-in "Chin" cihpen minam-min hilo, Chin State sung-a minam khempeuhte' paukam-ah khiatna neilo ahihlam theiciat pipi mah-in political mit akeuh masazaw Laimite-in amau'-a tuam-in hong buplaak uh-a, Khalkha leh Thantlang ahilote-in "ei Chin" vaci lehzong nana-muak peuhmah lo-hi (minam susia ding-a zattheih ding-a a-upmawhte longal) kuamah "Chin" ding-in deihlo-uhhi. Tuabang-in politics kimawl-in namlian thunei suahding hong haanciam man-in Zomi akicite-a kipan Lai/Laizo akicite nangawn KK leh TT ahihkeinaakleh tuambawl uh-a, bawlsiatna tuamtuam; keimahmah-in ka'hong sun khitsa ahihman-in I-suut nawnkei dinghi. Gentehna ding-in, hausapite-in siah hongkaih thapaai baan-ah I-innkuansung cikei laaini, I-veengnu, I-veengpa buan-in, sumsut-in, that leh-a, "ei behkhat hihang,..." hongcileh ahihkeileh tua athah mite' innkuanpihte' kiang-ah, "ei behkhat, pawlkhat, mapang khawmni"cileh bang alawhtam cihtawh kiteh thei-hi.
Tuabaan-ah, KK leh TT longal adiak-in gaaltaai peemta lalna lamsang-ah ahihtheihzah-in khaaktan uh-a, kikhopna biakinn-daante nangawn-in KK leh TT lote khaaktan nading kihaanthawn uhhi. Hih thute' ziak-in ama' sisanpihte' thuaknate alaainatpihthei mipil honkhat-in Chin cih kammal azaak-in za-nuamlo uh-a, zadah mahmah uhhi, banghanghiam cihleh KK leh TT te' huaiham gaaldona thaltang ahihman hi-a, tuabang-a azadahthei mite naakpi-in appreciate taak-hi, banghanghiam cihleh asisanpihte' thuakna aveiipihthei Pasian' tate ahihi.
Gaaltaai peemta lamsang-ah hong khaaktan zenzen hang-in ci-a a-awlmawhlo ki-om khalaai dinghi. Hilo-hi. Gaaltaai-in gamliante-ah ava-peem uhciang-in aleitang-uh puahthei/zuunthei uh-a, secular siamsinna lamsang-ah naakpi-in kitawsawn zo-uh ahihman-in amau' minam ading-in naakpi-in tualsung kipawlziate khangto thei-in muiibunh thei-hi. US gamsung bekbek-ah secular lam-a master leh ph d candidate omzeuhzeuh cihte-pen maai kum10 sung-a I-lubuuk hong kheen giapgiap dingte ahihlam kitheihtuak naaikeileh kilawm liang-hi. Amaute-in thei-uh ahihman-in lampi ahihtheihzah-in hongkhaak uh-a, tua ziak-in Zomite bek hilo Falam leh Zogam leitawlam-a minam pawlkhatte' lak-ah "Chin" cih kammal azadah mipil tampi om-hi.
Mite' Theihna/Minvawhna Thupilo-hi:
Mite' hong theihna adiak-in Kawl gamukte' hong theihna/ciaptehna- mah kici tangtang-hi. Akisapna-zong om khamah dinghi, ahizong-in ami-mahmah-in ama' hihna apulaak loh-in kua-in thei mawkding-hiam? Mite'sapna leh lawhna peuh-tawh alungkim pahpahding zah-a I-kiphal nawnloh hunta-hi. Kawl gamukte diakdiak bang-in Chin State sung-a minamte akitukalhding ngiimna mah-tawh, "Tiddim Chin, Falam Chin, Hakha Chin, " hongci uh-a, ahi daan-a I-saan sawmleh atuabang midang, "Ko Tiddim, Hakha, Falam hilo, Matu Chin, Mara Chin, Tonzaang Chin, Cikha Chin, Mindat Chin.,. atawpna-ah Khuapi nangawn kihawmthawh-in, Kaapteel Chin, Keeltal Chin, Laaitui Chin, tua-teh akhua nangawn kihawmthawh-in, Sukte Chin, Gualnam Chin, Phaipi Chin, Naulak Chin....." cihbang-a asuakta gamkhat cihthadah federal state nangawn a-phu-khawm/avaatkhawm theilo ding-a hongki bawlna-pen I-hihna maanmah I-saksaklaai man-in, "Chin mah-tawh upazil (official) masuan omtheibek ve-aw, " akici ngaungau-laailiang ahihi.
Mite' hong simmawhna-hiam hong -itman-hiam theikhang, I-pupate' theih ngeiloh minte-tawh hong kisap man-in upate' min amaan pulaak lo-in, promote ngeikei lehang "minam mangthang" I-cihcih tuate hizaw taktak dinghi. Kawlzii Vaaizi neihna-in minam mangthang hihna hilo-hi. Asuanlehkhaakte' tung-ah Zomi hihna leh Zongeina, Zopaute kitat sakkei peuhleh minam mangthang hi peuhmah lo-hi. I-minam hihna maantak aki pulaak ngeikeileh minam mangthang taktakte I-hi dinghi.
Buhte/Ante min-in laakphat khengvaal dekta:
Minam hihna maantak-pen keima' muhna-ah, I-minam hihna pulaak ciatciatding, mite' tung-ah I-theihsak zawhna ding-a I-haanciam mahbang-in minampih-a I-sehte' kiang-ahzong thusung tangtang, gen tangtangding, a-nationalism ngiat thunthun maiding tua hileh damdam-in khangthak mipilte' khutsung pan-in Zomi leh Zogam hong paakpalh lihleh theipan dinghi. Pawlkhat-in "min naailo, gaau naailo, laakphat naailo" -in saang uh-a, hun-geek sa naailo-in Col Lian Cin Zam' hun laai-a Diamond Chance bangdaan angah kiikding asa bang-in "hun" asa naailo ki-om-hi. Kei' muhna-ah Pasian' thu leh minam thu-ah, "ante min luata-in kuai gawp-a, lei-ah kiphah-in asia/amuat tampi om khin-hi, ahizong-in anla-ding naseemmi kuamah kimu lo-a, acing omlo tuu bang-in kithehthaang khin-hi, kua va'kuan dinghiam?" ci-in Pasian' kammal-tawh thu I-khupbawl dinghi.
A Zomist,
T. Zokhai
60 Narr-Maen Drive
Croydon Hills VIC 3136
Melbourne, AU
Tel: +61 39723 0460
Mob: +61 420 800 560
Kawl Gamukte-tawh vaaihawm khop masak hunlaai-in Hmat Pong Tin tungleh akisapna laaiphah khempeuh-ah Origin/Luu-myo acihna mun-ah "Chin" cihding-a apuakluutte mahtawh I-thutheihna akikim-laai zahdong ding-in lupcipding hun nawnlo-a, thawh hunta-hi! Khuavaak ta-in, buh-al khuangkhuang tahi! Ei'pau-a khiatna anei kilkello "aw" khatkhawng "Origin" mun-ah koihkoihlaai buangding I-hihiam cihnop-huai mahmah-hi.
Leitang aluah mite' min-tawh tua leitang min kiphuakzaw tawntung sungpan-in Zomi Pulehpate leh Laimi pulehpate' luahna leitang-pen Zogam/Zoland leh Lairam/Lailand akici diimdiamding hi-kimlaai Seen-gam lam-a Ching/Xing leh Zhou te' suanlehkhaakte I-hihlohlam teci apang ding-in pupa' luahsa leitang-ah thunei khomkhop ding-in thutheihna mi masate-in nana neilo-uh ahihman-in Kawlmaangte leh Vaaimaangte' mawkphuah "Chin" -pen minam-min daan-in akizangh hi tazen-hi. Tua pilna leh thutheihna neilo pulehpate-mah bang-in I-hihna maan I-promote lohman-in "Chin"-pen minam min ahihlohlam kitelcian nawnlo zahdong-in hongki mengcip ahihi.
"Chin" cih kammal akizaakdahna:
I-suutsa mahbang-in "Chin" cihpen minam-min hilo, Chin State sung-a minam khempeuhte' paukam-ah khiatna neilo ahihlam theiciat pipi mah-in political mit akeuh masazaw Laimite-in amau'-a tuam-in hong buplaak uh-a, Khalkha leh Thantlang ahilote-in "ei Chin" vaci lehzong nana-muak peuhmah lo-hi (minam susia ding-a zattheih ding-a a-upmawhte longal) kuamah "Chin" ding-in deihlo-uhhi. Tuabang-in politics kimawl-in namlian thunei suahding hong haanciam man-in Zomi akicite-a kipan Lai/Laizo akicite nangawn KK leh TT ahihkeinaakleh tuambawl uh-a, bawlsiatna tuamtuam; keimahmah-in ka'hong sun khitsa ahihman-in I-suut nawnkei dinghi. Gentehna ding-in, hausapite-in siah hongkaih thapaai baan-ah I-innkuansung cikei laaini, I-veengnu, I-veengpa buan-in, sumsut-in, that leh-a, "ei behkhat hihang,..." hongcileh ahihkeileh tua athah mite' innkuanpihte' kiang-ah, "ei behkhat, pawlkhat, mapang khawmni"cileh bang alawhtam cihtawh kiteh thei-hi.
Tuabaan-ah, KK leh TT longal adiak-in gaaltaai peemta lalna lamsang-ah ahihtheihzah-in khaaktan uh-a, kikhopna biakinn-daante nangawn-in KK leh TT lote khaaktan nading kihaanthawn uhhi. Hih thute' ziak-in ama' sisanpihte' thuaknate alaainatpihthei mipil honkhat-in Chin cih kammal azaak-in za-nuamlo uh-a, zadah mahmah uhhi, banghanghiam cihleh KK leh TT te' huaiham gaaldona thaltang ahihman hi-a, tuabang-a azadahthei mite naakpi-in appreciate taak-hi, banghanghiam cihleh asisanpihte' thuakna aveiipihthei Pasian' tate ahihi.
Gaaltaai peemta lamsang-ah hong khaaktan zenzen hang-in ci-a a-awlmawhlo ki-om khalaai dinghi. Hilo-hi. Gaaltaai-in gamliante-ah ava-peem uhciang-in aleitang-uh puahthei/zuunthei uh-a, secular siamsinna lamsang-ah naakpi-in kitawsawn zo-uh ahihman-in amau' minam ading-in naakpi-in tualsung kipawlziate khangto thei-in muiibunh thei-hi. US gamsung bekbek-ah secular lam-a master leh ph d candidate omzeuhzeuh cihte-pen maai kum10 sung-a I-lubuuk hong kheen giapgiap dingte ahihlam kitheihtuak naaikeileh kilawm liang-hi. Amaute-in thei-uh ahihman-in lampi ahihtheihzah-in hongkhaak uh-a, tua ziak-in Zomite bek hilo Falam leh Zogam leitawlam-a minam pawlkhatte' lak-ah "Chin" cih kammal azadah mipil tampi om-hi.
Mite' Theihna/Minvawhna Thupilo-hi:
Mite' hong theihna adiak-in Kawl gamukte' hong theihna/ciaptehna- mah kici tangtang-hi. Akisapna-zong om khamah dinghi, ahizong-in ami-mahmah-in ama' hihna apulaak loh-in kua-in thei mawkding-hiam? Mite'sapna leh lawhna peuh-tawh alungkim pahpahding zah-a I-kiphal nawnloh hunta-hi. Kawl gamukte diakdiak bang-in Chin State sung-a minamte akitukalhding ngiimna mah-tawh, "Tiddim Chin, Falam Chin, Hakha Chin, " hongci uh-a, ahi daan-a I-saan sawmleh atuabang midang, "Ko Tiddim, Hakha, Falam hilo, Matu Chin, Mara Chin, Tonzaang Chin, Cikha Chin, Mindat Chin.,. atawpna-ah Khuapi nangawn kihawmthawh-in, Kaapteel Chin, Keeltal Chin, Laaitui Chin, tua-teh akhua nangawn kihawmthawh-in, Sukte Chin, Gualnam Chin, Phaipi Chin, Naulak Chin....." cihbang-a asuakta gamkhat cihthadah federal state nangawn a-phu-khawm/avaatkhawm theilo ding-a hongki bawlna-pen I-hihna maanmah I-saksaklaai man-in, "Chin mah-tawh upazil (official) masuan omtheibek ve-aw, " akici ngaungau-laailiang ahihi.
Mite' hong simmawhna-hiam hong -itman-hiam theikhang, I-pupate' theih ngeiloh minte-tawh hong kisap man-in upate' min amaan pulaak lo-in, promote ngeikei lehang "minam mangthang" I-cihcih tuate hizaw taktak dinghi. Kawlzii Vaaizi neihna-in minam mangthang hihna hilo-hi. Asuanlehkhaakte' tung-ah Zomi hihna leh Zongeina, Zopaute kitat sakkei peuhleh minam mangthang hi peuhmah lo-hi. I-minam hihna maantak aki pulaak ngeikeileh minam mangthang taktakte I-hi dinghi.
Buhte/Ante min-in laakphat khengvaal dekta:
Minam hihna maantak-pen keima' muhna-ah, I-minam hihna pulaak ciatciatding, mite' tung-ah I-theihsak zawhna ding-a I-haanciam mahbang-in minampih-a I-sehte' kiang-ahzong thusung tangtang, gen tangtangding, a-nationalism ngiat thunthun maiding tua hileh damdam-in khangthak mipilte' khutsung pan-in Zomi leh Zogam hong paakpalh lihleh theipan dinghi. Pawlkhat-in "min naailo, gaau naailo, laakphat naailo" -in saang uh-a, hun-geek sa naailo-in Col Lian Cin Zam' hun laai-a Diamond Chance bangdaan angah kiikding asa bang-in "hun" asa naailo ki-om-hi. Kei' muhna-ah Pasian' thu leh minam thu-ah, "ante min luata-in kuai gawp-a, lei-ah kiphah-in asia/amuat tampi om khin-hi, ahizong-in anla-ding naseemmi kuamah kimu lo-a, acing omlo tuu bang-in kithehthaang khin-hi, kua va'kuan dinghiam?" ci-in Pasian' kammal-tawh thu I-khupbawl dinghi.
A Zomist,
T. Zokhai
60 Narr-Maen Drive
Croydon Hills VIC 3136
Melbourne, AU
Tel: +61 39723 0460
Mob: +61 420 800 560
No comments:
Post a Comment
hih sung a ong lut ong ih u leh nau a kua mah peuhgh. it na khut tawh ban zal khut ong len in