Pumzawt (Liphiat) Natna pan kidal nang

Siamah Niang Hen Cing in Zonu Tuangluan pan cidam na tawh kisai a lai at khiat hoihsa kahih man in deihsakna tawh hong at khia sawn ing.

Mikhat peuh thakhat thu in pumpi zawvat in khuahong phawk kei leh aci mek sak het lo a, anuai a bangin bawlpah ding ahihi. A ci i mek leh a khuak si huite kisia ahih man in sia huai zaw hi.

1. Damtak intanglo in om sakpah ding hi. A tukkik loh nangin limtak in len ding
aa, a tut zawhkei leh limtak sial ding hi ci.

2. Tua khitciangin lungno kithatsa(sterilized) tatui sutna phim tawh cina ii khutme ngateng sun in, betang cia si a paikhiat theihna dingin suuk khia dinghi hang. Tua hi leh asawt lo in cina in khua hongphawk ding hi.

3. Pumzaw natna mah hangin a biang khawng hongsoih leh cina ii bil tegel asan dongin khut tawh nuai in kaihsak dinghi. A bil hongsan ciangin a bil nuailam ah zatui sutna phim mah tawh 2 vei tuak sun in si betang cia apaikhia dingin suuk ding hi. Tua khit asawt lo in a biangsoi hong hoih lel ding hi.

4.A tung a teng sep khit ciangin akisam zatui te tawh kibawl theih nadingin Zato ah paipih dinghi hang. Hih bangin pumzawt natna hong om vat leh atung a dan in a dawldawl in hih leng pumzawt na tawh kipel hi.

Thunget ding bel athupi pen ahih lam mang ngilh kei ni maw.

Topa Zeisu Tuuhuangsungpan,
Sia. Cin Za Suan
Zomi Pentecostal Church
U S A

Na Thei KHIN hiam

Innsung a om, na sabuaiteI tung ah a kigit(a ma)te pen haza nuhin, puansia tawh nul le cin hoihpah ding hi. Na paak suante lung in a nek leh lothangsan (lothangkang) patak atin, tui sung ah kal khat sung na diah khit teh na paak bul ah sung le cin hoihpah ding hi.

Jean pheituamte a khauh aa leh kuang(ZvHk) sungah citui tawh minute 15-30 sung diah le cin, zaw pah ding hi.

Mehtui sung ah sathau a kihel khak leh ankamkil (qvwf&Guf) tawm khat, mehbel sung ah tawmvei sung na koih khit teh lakhia kik le cin, tua ankamkil in sathau hup khia ding hi.

Na puan a sihkap (zm;OqGJ) leh a omna te tui kawt sak in puantaihna tawh nen inla, taih le cin hoihpah ding hi.

Puanten na sawp ciang aza kia ding na deih kei leh kuang sung ah ci tawmtawm tawh minute 5 sung diah ma sa le cin a za kia nawn lo ding hi.

Meh na huan ciang na meh ci a-al luat leh asa mahmah mei-am khat minute 2 sung koih suk in, lakhia kik le cin hoihpah ding hi.

Na puan tungah kunza(uGrf;,m) tui a ban aa leh a ban na teng mehthuk min tawh taih le cin hoih pah ding hi

Lia Cing Lem Kim
Maths
West University

Tangsiat aneunette bangcih damsak ding

Thanpayar tui (oHyk&m&nf) leh sathau (ajr yJqD) gawm in zut in la, minute 15 a sawt khit teh tui lumtawh sawp kik in. (a hih kei leh) Mehthuk at in na mai ah zut inla, minute 5-7 sung na zut khit teh tuilum tawh sawp kik in. (a hih kei leh) Tangkha gah ii atang pen ci tawh gawikhawm in, zu tawmtawh hel inla, zut le cin hoih ding hi. (a hih kei leh) Thanpaya tui leh aktui sung lam a kang (tum) tui gawm in, na mai ah nazut khit,a keu ciang in tuilum tawh na mai sawp le cin hoih pah ding hi.