Dawi mangpa sang a lipkhap huaizaw CNF te

Aki gelhni: Thursday, 19 January 2012 22:46

Agelh: Vum Nang

Bangzahvei kisim: 212

Share3

View Comments

A zahtakhuai Kongit Zomi u leh nau te aw kawlpi panin kei mah nasang gampa uh Vum Za Nangin email panin kong hopih hi. Kei kongit mah bangin nomau akuamaciatin zong nongit dinguh kalamen mahmah hi.

Ih theihsa mah bangin CNF ten ihgam sungah siah ong kai uh a antang a ipin zong ipzatampi mah kipia khin in phalmaw phal lo maw cih hilo in thau ong ngat uh ahih manin neihlouh pipi mah khuakhempeuh in kipia hi. Tua bek hilo in Mizomgam lam azin khempeuh in zong thau mah tawh maitang ngatuh a adeuhtenguh sutgawpin ong tatsia mahmah uh hi. Asi aliam abai zong tampi ki omin vokno akno tampi tak mah zong ih suplawh khin zo hi. (ASUM APAAI GEN LOUH )

Hi ci bang kawmkal panin tun ihkumpi te tawh holimna ong nei khinuh a State ciangin thukim khin ta hi. Kumpi tenbel ei sungthu ong telsiang lo uh a amau muhna ah ei Chinstate a om teng akilem khin ong sa uh hi. Tua ahih manin letmat thuhna anei uh ahihi.Kumpi te leuleu in gamsunga gamnuaimi teng tawh kilemna bawl khin thei hile uh UN pan huhna lung gulh uh ahih manintua ciang holimna anei uh ong suak hi.

A hi zongin ZBC panin zong hihte genlouh a Pastor (biakna nasem) teng nangawnuh aki thuak lah mahmah hi a tua hangin zong ZBCM ong piang khia suak hi cih te genbeh kul nawn lo hi. Tun hih ten ih Zogam tengah zum ong hong le uh kumpi tungah koi munteng ngen dinguh a ei inntekte koi ciangah lokho singpua in omdinga ih gam tat ih luhek na ding pen muhkholhsa ahihi. KHANGLUITE PAUNAK KHAT AH VOK KHIAL GAMTA IN VOKPI KUN NGAK SUAN KHIA NA CI UH HI.

Tunin zong u lian pawl khat tawh holimna kan nei thei uh a thu dang ah omkei leh ziing ciang kawlpi pan Tedim zin to in sun 12:30 PM in Tedim ah a hithei tengin kimuh khopna kana nei ding uh hi. Hih thu pen thu neu hilo ahih manin ngaih sutna hoih leh ngimna hoih kisam mahmah hi hang thu khat pepeu ahoih zaw ding ahih nak leh ong zasak pahpah un.

Tua lo ih gam sung khantoh nading bel keitheih ciang tawm ong genbeh nuam ing. India te ong huh nading pen Tedim Rih leh kawlpi kikal pen million 60 hi. Tua thu tawh kisai in zan leh tunin Nipyitaw ah thu ki kupna nei uh a tua pen thu ki kupna nunung pen hidingin kalamen hi. Kipat hun ding zong kician ta in ki lemen hi. Tuapen kumnih sunga zawh ding hi in Tamu leh kawlpi kikal asem ten ong sem ding uh hi. Tua lo Miilion 6 nung lamzeka Net sunga ong ki suaksak zelpen Zogam sunga

Township khat ah tansawm sang khat ciangin lak 750 Township 11
Township khat ah tangiat sang khat ciangin lak 500 Township 11
Township nga ong huh ding uh a khat ciang lak 500 Township 5

Hih teng banah aval lai tepen Zato lam leh ahih theih leh Mualbem gunlei lak 1070 tul leh sawm sa gih dingin Chinstate pan Nipyitaw ah tua pan in India Embassy ah aki puak laitak hi a tuni thu ki kupna ah kihel dingin ki lamen hi.Den in Meeting kah kalawmte te ka hopih leh nitak an kanek lai tak uh hi ong ci ahih manin akician in ka tel teh ong zasak kik ding hing.Hih kong gen thu te mi ong gen hilo in India Embassy te tawh azum sungvua kaki hona uh kong gen kik ahi hi.

Zahtakna lianpi tawh
H- Vum Za Nang
94924-8376