Zomi te ih masuan

Aki gelhni: Tuesday, 31 January 2012 15:17

Agelh: Vum Nang

Bangzahvei kisim: 84

Share

1 Comment

Zomi a it tatak u lehnau akuamahpeuh hih CNF te Tedim gam sunga zum hondingvai tawh kisai in sum leh paai apiakhia khin zong ki om ahih manin mipi tangin lungdam kong ko hi.

Tu laitak ih tuak khak thu te ka ngaihsut ciang Topa Zeisu leh Peter kihona bang ka phawk kha liang hi. Bang mah lauhuaina ah om ma in Topa Zeisu in piter kiangah kei nongit hiam? acih leh Topa aw nang tawh thong akiakhawm ding in akigingsa in ka om hi.A dang khempeuh in ong taisan zongin ken kong nusia ngeikei dinghi cinapi in ahun atun ciang taisan mawk hi bang mah launading leh beinading thu ah om ma in ki ciam liang hi.

Tunin zong u te nau te hih sum leh paai akipan CNF vai ong om maa in Zomi leh Zogam ka it hi ci a Zonet sung khawnga kuama dot hetlouh pi aki gengen te koi lai ah bumang khinta na vua leh nang namun ah kei kamun ah maa pang khawm lo ding ih hiam? cih khat hi leh hoih samlo ding ah maw? Zogam a ding ih laphuaksate leh mi la phuaksa ihsaksak te adiakdiakin Thawn Kham in Zogam aw ken ongtaisan keining cihla asa te khempeuh kong cihna hi ei. Japan ka omlai in zong Japan a om Zomi khempeuh in sakhawm liailiai zel unga ngaih kasa thei mahmah uh hi.Tua hun khawng ngaih huai sa sing e kacihna hi ei.

zing ciang in kei leh Pa Thang Khua Lian ZRDP (Worker) zing tungin motor saikel tawh Tedim kavapaito ding uh hi.Tedim gambup hausa teng tawh CMBC ofice ah sun hun pawlin kimuh khopna neih ding kalung gulh uh hi. Kawlpi pan ong zui thei ding kipawlna tuamtuam ah omsam hang zing ciang om vat lo suak phot hi tutadih.Khua sung ciangah zing tha nitak tha tawh hi leh Zomi leh Zogam ki it napih khua kai tatak ciang hun pia zo ki om tuan samlo cih zong phawk huai sa ing.Ka Datsi bei teng uh pen Taungzalat Zodamtui neipa Pa SK. Gin Khan Pau Bethel (ZBCM )in abeiteng ong sik hi.Zomi bup pi tangin hih lai tawh lungdam ih ko hi mailam ah Topan asep abawl nate ah thupha ong piaksak semsem ta hen.

Tu nitakin U Suan Do Cin Tedim pan telcing pyithuhlotdaw kosale in Nipyitaw pan ong hopih teutau in hih CNF ten Ih Zogam sunga zum hon dingvai pen aman zong hithei asak louhna leh puak hak asakna ong gen ciangin CNF khut lum tawh asi khinsa Rev. Cin Lian Sum naupa Zam Tung Thang ( tungzangkhua) hi ta leh Saizang khua mi li ( 4 ) Tui Thang te khat cih te a kipan Champai khua gei khawnga sum asuh uh avuak asat akaih mang teng uh Tedim pan U Suumpi cih te ihmitkha ah luia dandan mawk hi.A beisa sunga ki thum cih thadah tun ihgam sunga teng anetum nuam leh ami teng ong ukcip nuam lailai cih te ngaihsun kha le hang kuamah ihmu thei dingin zong ka um kei mai hi.A hi zong in ei Zomi tenamau pawi te athat hilo hanga Pasian pen ei lam ah pang ding ahih man in lauhuai het lo in olno takin Topan ihma ong vangsak ding hi cih tawh Zomi te ih omnana ah picing taka ih kalsuan theih ding deihna bulpi ahihi.

A hun zui in thu leh la khat pepeuh kizasak den ding hi hang.

Khazih leh Zomi ading anungta,

H- Vum Za Nang
09-4924-8376