Hakha ah Kyats Sang 50 man vangu Kawlte 3 kiman

Aki gelhni: Tuesday, 31 January 2012 13:24

Agelh: Hau Thang

Bangzahvei kisim: 278

ZomiDaily :: Tukumthak January kha sung in Hakha ah inn (10) pan vangugu Kawlgalkap tate khangno 3 teng zanhalni 29/1/2012 nitak khualmial zawhin kiman hi. Hih Kawlno guta 3 teng pen avan gukna ngeipan in Hakha Youth Fellowship (HYF) pan in makai vaipuaknei te'n amat uh hihi.

Hih Kawl khangno 3 teng pen Hakha aom (Kahlahyah) 266 ah Galkap Sergeant San Maung tapa Mg Yan Naing San (Kum 17), Sergeant Kyaw Yin Win tapa Mg Kyaw Yin Oo (Kum 13) leh Tawng Tun Zaw te ahihi. Amau tengthum pen Hakha khuasuak hi'n tuamun ah khangkhia uh a, sang gina in zongakah lo, guta in avakvak uh ahihi.

Abeis Jannuary ni 5 ni-in Everest Computer leh Video dawrpi, PengKuang TV Game dawr, TNT Recording dawr le Tamaadawm pan van gu uh a, January 9 ni-in Bethel Baptish Church Sumpi bung gu in, Jan/12 ni in AG biakinn leh Pu Sangluai dawr luh leuleu uh hi.

Anunung lam ah Centre Store Dawr, Pi Tialzi dawr, Star Niangtuisai leh Jan 18 ni-in Lyly Nai/daak zuakna dawr te ah van aguk ban ah Hang Store dawrpi ,Galkap bo khat maanbu leh Computer van teng guksak uhhi. Avan gukteng uh Kawlsumin kyats sang 50 manding cih hi. Tu in amau teng 3 Hakha palik ten keem phot cih kiza hi. ZomiDaily/HauThang