မစ္စတာ ကွင်တားနား အား ကျန်ရှိ နိုင်/ကျဉ်းအရေး တင်ပြကြမည်

ဖနိဒါ | အင်္ဂါနေ့၊ ဇန်နဝါရီလ ၃၁ ရက် ၂၀၁၂ ခုနှစ် ၂၃ နာရီ ၄၀ မိနစ်

ချင်းမိုင်(မဇ္စျိမ) ။       ။ မြန်မာနိုင်ငံသို့ အင်္ဂါနေ့က ရောက်ရှိလာသည့် မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် Mr Tomas Quitana အား ကျန်ရှိနေသေးသော နိုင်ငံရေး အကျဉ်းသားများ လွတ်မြောက်ရေး အတွက် ဆောင်ရွက်ပေးရန် တောင်းဆိုသွားကြမည်ဟု တိုင်းရင်းသားခေါင်းဆောင်များက ပြောသည်။

ရှမ်းအမျိုးသား ဒီမိုကရေစီအဖွဲ့ချုပ် SNLD ဥက္ကဋ္ဌ ဦးခွန်ထွန်းဦး၊ ဇိုမီးအမျိုးသား ကွန်ကရက် ဥက္ကဋ္ဌ  ဦးပူကျင့်ရှင်းထန်နှင့် ရခိုင်ဒီမိုကရေစီအဖွဲ့ချုပ်မှ ဦးအေးသာအောင်တို့ သုံးဦးက  ဖေဖော်ဝါရီလ ၃ ရက်နေ့၌ ရန်ကုန်မြို့ ကုလသမဂ္ဂ ဖွံ့ဖြိုးမှု အစီအစဉ်ရုံး UNDP တွင် နံနက်၁၁ နာရီမှ မွန်းလွဲ ၁ နာရီထိ Mr Tomas Quitana နှင့် တွေ့ဆုံသည့်အခါ ထိုအချက် အပါအဝင် ၎င်းတို့၏ လိုလားချက်များကို တင်ပြသွားမည်ဟု သိရသည်။

“ကျနော်တို့က အကျဉ်းထောင်ထဲမှာ ကျန်ရှိနေတဲ့ နိုင်ငံရေးအကျဉ်းသားတွေကို အမြန်ဆုံး ထပ်လွတ်ပေးပါ၊ တိုင်းရင်းသား စာပေယဉ်ကျေးမှု အခြေခံ လူ့အခွင့်အရေးတွေကို တိုးမြင့်ရရှိဖို့၊ လူထုလိုအပ်ချက်နဲ့ မကိုက်ညီတဲ့ တဘက်သတ်ဆန်တဲ့ ဥပဒေတွေကို ဆက်လက် ပြုပြင်သွားဖို့ ကျနော်တို့ ဆွေးနွေးထားပါတယ်”ဟု SNLD ပြောခွင့်ရ ပုဂ္ဂိုလ် ဦးစိုင်းလိတ် က ပြောသည်။

လက်ရှိတွင် ကရင်အမျိုးသား အစည်းအရုံးမှ မန်းငြိမ်းမောင်နှင့် ရှမ်းပြည်တပ်မတော် တောင်ပိုင်း (SSA-S ) ခေါ် ရှမ်းပြည် ပြန်လည်ထူထောင်ရေး ကောင်စီ SSA-S/RCSS မှ ဗိုလ်မှူး ခွန်ကျော်၊ စိုင်းကောင်ခမ်း၊ အိုက်ကော၊ စိုင်းဖုန်းတင့်၊ စိုင်းယီ၊ စိုင်းစိန် အပါအဝင် ၃၁ ဦးသည် နိုင်ငံရေးအကျဉ်းသားများအဖြစ် အကျဉ်းကျနေဆဲ ဖြစ်သည်ဟု သူက မဇ္စျိမကို ပြောသည်။

ဗိုလ်မှူး ခွန်ကျော်သည် မကွေးတိုင်း သရက်ထောင်တွင် အကျဉ်းကျခံနေရပြီး အခြားအကျဉ်းသား ၅ ဦးမှာ သာယာဝတီ
ထောင်တွင် အကျဉ်းကျခံနေရသည်။

မစ္စတာ ကွင်တားနား၏ ယခုခရီးစဉ်ကြောင့် ကျန်ရှိသေးသော နိုင်ငံရေး အကျဉ်းသားများကို လွတ်မြောက်လာနိုင်သလို လွတ်လပ်တရားမျှတသည့် ကြားဖြတ်ရွေးကောက်ပွဲဖြစ်ရန် အစိုးရဘက်မှ လိုက်လျောလိမ့်မည်ဟု မျော်လင့်သည်ဟု ၎င်းတို့က ဆိုသည်။

“တိုင်းရင်းသားတွေ အခက်အခဲကို တိုင်းရင်းသားတွေ ကိုယ်စား ဆွေးနွေးခွင့် ရမယ်ဆိုတော့ ကျနော်တို့ ဝမ်းသာစရာပါ၊ ရလဒ်ကောင်းတွေ ထွက်ပေါ်လာဖို့ ကျနော်တို့ မျှော်လင့်ပါတယ်”ဟု ဦးစိုင်းလိတ်က ဆက်ပြောသည်။

အလားတူ ဇိုမီးပါတီမှလည်း ကျန်နေသေးသည့် နိုင်ငံရေးအကျဉ်းသားများကို လွှတ်ပေးရန်နှင့် တိုင်းရင်းသား ဒေသများ အတွင်း တိုက်ပွဲများကြောင့် လူ့အခွင့်အရေး ချိုးဖောက်နေမှုများကို တင်ပြသွားမည်ဟု ပြောသည်။

“နိုင်ငံရေးအကျဉ်းသားတွေ လွတ်ပေးဖို့ အများကြီးရှိသေးတယ်ဆိုတာ ပြောမယ်။ တိုင်းရင်းသားဒေသတွေမှာ တိုက်ပွဲ ဖြစ်တာတွေ၊ အပစ်အခတ် ရပ်ဆိုင်းထားပေမဲ့ အတည်မဟုတ်သေးဘူး။ အဲဒါတွေ သေသေချာချာ ရပ်ဆိုင်းထားဖို့၊ အပစ်အခတ် မရပ်ထားလို့ လူ့အခွင့်အရေး ချိုးဖောက်မှုတွေ အများကြီးရှိတယ်။ ဘုရားရှိခိုးကျောင်း မီးရှို့တာ၊ အမျိုးသမီးတွေကို မုဒိန်းကျင့်တာ၊ သတ်တာ ဖြတ်တာတွေ၊ ပေါ်တာဆွဲတာတွေ အဲဒါတွေ အဓိက တင်ပြမှာပါ”ဟု ပူးကျင့်ရှင်းထန် က ပြောသည်။

ထို့အပြင် ချင်းပြည်နယ်သို့ လာရောက်သည့် နိုင်ငံခြား ခရီးသည်များကို လုံခြုံရေးအရဟုဆိုကာ အစိုးရဘက်မှ သွားရောက်ခွင့် ပိတ်ပင်ထားခြင်းမှာ လူ့အခွင့်အရေး ချိုးဖောက်မှု ဖြစ်သည်ဟု ယုံကြည်သဖြင့် ထိုလုပ်ဆောင်မှုကို ဖယ်ရှားပေးရန်လည်း မစ္စတာ ကွင်တားနားကို တင်ပြသွားမည်ဟု ပြောသည်။

၅ ကြိမ်မြောက် ခရီးစဉ်အဖြစ် မြန်မာနိုင်ငံသို့ လာရောက်ခြင်း ဖြစ်သည့် မစ္စတာ ကွင်တားနားသည် ဗုဒ္ဒဟူးနေ့တွင်
နေပြည်တော်ရှိ အစိုးရအဖွဲ့များနှင့် သွားရောက် တွေ့ဆုံမည်ဟု ကုလပြောခွင့်ရ ပုဂ္ဂိုလ် ဦးအေးဝင်းက ပြောသည်။

သူ၏ ၆ ရက်ကြာ မြန်မာနိုင်ငံခရီးစဉ်အတွင်း တိုင်းရင်းသား ခေါင်းဆောင်များအပြင် အမျိုးသား လူ့အခွင့်အရေး
ကော်မရှင်၊ နိုင်ငံရေး အကျဉ်းသားဟောင်းများနှင့်လည်း တွေ့ဆုံမည်ဖြစ်ပြီး နယ်ထောင်များသို့လည်း သွားရောက်
လေ့လာမည် ဟု သိရသည်။

ဖေဖော်ဝါရီလ ၅ ရက်နေ့ထိ နေထိုင်မည့် သူ၏ခရီးစဉ်မှာ ၂ဝ၁၁ ခုနှစ် သြဂုတ်လ မြန်မာခရီးစဉ်အတွင်း လူ့အခွင့်အရေး အခြေအနေများကို ဆက်လက် ဆောင်ရွက်သွားမည် ဖြစ်ပြီး အစိုးရတာဝန်ရှိသူများ၊ လွှတ်တော် ကိုယ်စားလှယ်များ၊
မြန်မာနိုင်ငံ လူ့အခွင့်အရေး ကော်မရှင်နှင့် အခြားအဖွဲ့အစည်းများမှ တာဝန်ရှိသူတို့နှင့် တွေ့ဆုံသွားရန် ရှိကြောင်းလည်း ဇန်နဝါရီလ ၃ဝ ရက်နေ့ လူ့အခွင့်အရေးကောင်စီ၏ ထုတ်ပြန်ချက်တွင် ဖော်ပြထားသည်။

မြန်မာနိုင်ငံအတွင်း လူ့အခွင့်အရေး အခြေအနေများကို စောင့်ကြည့်လေ့လာ၍ တွေ့ရှိချက်များကို ၁၉ ကြိမ်မြောက် ကုလသမဂ္ဂ လူ့အခွင့်အရေးကောင်စီ အစည်းအဝေးတွင် အစီရင်ခံစာ တင်သွင်းသွားမည်ဟုလည်း အဆိုပါ ထုတ်ပြန်ချက်တွင် ပါရှိသည်။

အမျိုးသားဒီမိုကရေစီအဖွဲ့ချုပ် NLD ပါတီကလည်း မစ္စတာ ကွင်တားနားနှင့် တွေ့ခွင့်ရမည်ဟု မျှော်လင့်ထားကြောင်း အတွင်းရေးမှူးအဖွဲ့ဝင် ဦးဉာဏ်ဝင်းက ပြောပြီး အဓိက နိုင်ငံရေးအကျဉ်းသား ကျန်နေသေးသည့် ကိစ္စနှင့် လာမည့် ကြားဖြတ်ရွေးကောက်ပွဲ ဝင်ရသည့် ရည်ရွယ်ချက်၊ ပြည်တွင်း ငြိမ်းချမ်းရေး၊ ၂ဝဝ၈ ဖွဲ့စည်းပုံ ဥပဒေ ပြင်ဆင်ရေးနှင့် ကျန်နေသေးသော နိုင်ငံရေး အကျဉ်းသားများ အရေးကို တင်ပြသွားရန် ရှိသည်ဟု ဆက်ပြောသည်။

NLD ပါတီ၏ စာရင်းအရ နိုင်ငံတဝှမ်း အကျဉ်းထောင်များတွင် နိုင်ငံရေး အကျဉ်းသား ၃၁၀ ဦး ကျန်ပြီး ပြည်ပ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) AAPP က နိုင်ငံရေး အကျဉ်းသား ၁၅၇၂ ဦးရှိ ကျန်နေသေးကြောင်း ဇန်နဝါရီလ ၂၃ ရက်နေ့က ၎င်းတို့၏ အင်တာနက် စာမျက်နှာတွင် ဖော်ပြထားသည်။