Falam-Rih Motor lambawl kipanta

Aki gelhni: Thursday, 26 January 2012 00:25

Agelh: Hau Thang

Bangzahvei kisim: 157

:: Zogam Falam khuapi leh India Mizoram kizopna Lampi, Falam-Rihhuadar Lamzikpi azaina Pi 24 dingin puahphatna neiuh a, January 18 ni-in kipan khiata uhhi. Hih lamzikpi puahna dingtawh kipawl in January 18 ni-in Rihkhuadar ah Khawmpi khat nei uh a, Zogam PM Pu Hungngai leh Civil Enginer Ngun Sang Awi te ki hel uh hi.

Hih Falam-Rihkhuadar lamzikpi pen (Falam Social Development Association) kipawlna pan vai dingkhia ahihi. Anung lam teh Kumpi pan huhna hong piaknading honggetsak nung ci'n Pu HungNgai in khawmpi ah gen khia hi. A getsak zo maw? Bangzah in huh ding/Bangcinam in mipi panpih ding cih ani akha kitel nailo, huhthei, huhlo thei Kawl ukna sung nasep ahihi.

Hih lam bawlna ding in sumleh paai bangmah omnailo hita se leh Mipi lam pan deihna, lunglut na, thangah nahang in Pu Khuanglui in Leitoset (JBC) nih zat theihding in thupia a, ahawl dingte thaman ding kha khat teh mi 2 ai kyats Sang 2 leh alang (2,50000) piakding ahihi. A hawlding mikitheinailo, Leitoset ading Oil Pipa bungbangzah, zang ding, Suang phah dingmaw, Kurtar tawh bawlding cihbangzong om nailo ahihi.

Zogam Lamzikpi puahna bawlna tawh kipawl in katheih ngeiah kasep na mun nih om ngei hi. Kawlgam bup sangnaupang kimawl na Hakha atunding kum hi'n Zawngkong ah ko khua pan guai an ding puak in tuzum tupek tawh ka kuan ngei hi. Tua mahbang in Haimual lamzin pi zong thumvei ka kuan ngei a, milian hong pai ding cih hi in komau nguai an mah ka pua uh hi.

Suang khen/phahding ci-in Lentang ah Galkap Camp Bu pan hong vai khak a, Laitui leh Lentang kikal lamsak pan suang om khempeuh lam pi ah khuksuk in tua pan Sek Pound 5 gik tawh deng kham in lam dung ah ka pah uh hi. Tahan pan Jeep tawh hong zin Mizo, Zomi sumbawl ten Tul khat lai hong pia uh a, hawm cing tuan lo ahihman lamto teng nekding sathau kalei uh hi. Kalnih dingta nasem khua tuamtuam pan kikhel in akikuan ahihi.

Nasep zawhkuan teh kumpi ten Lamto leinil set 2 kazawh nasa uh ah pai sak in Ciau atunteh hong ki leh kik a, Haimual khualui Khualai ah khawl sak hi. Laitui sakolnungzui te hong ciah to in Lentang nuai hong tun teh Haimual ah Bulldozer 2 kisi namnam thong ei.. cih san ziau. Lampi sepnasa tengah JBC khe nih dim ziau hi. Antang abei teh nek ding om lo ci-in kiciah kik hi.

Hih Falam-Rihkhuadar lamzin puah ding zong set hawl te thaman bek kigen a, adang te tha man ding thu suahna/zaksakna aom zong in mipi in zakna om nailo ahihman Zawngkong leh Lentang Haimual lamto kakuan hun peuh abang lainam kana cici hi.