Zomi Zuhangzuak te'n Kawlmi Zusan zuakna buaisakzo

Aki gelhni: Thursday, 26 January 2012 00:04

Agelh: Hau Thang

Bangzahvei kisim: 240

:: Yangon khuapi sung Mingalar Bazar pi leh Teinkyigii Bazar pi pan kipan Kawlgamsung muntuamtuam ah Kawlgam Zusan Setyung pan akibawl Zusan/kang te kizuakmahmah na pi kitam lei mahmah lo in kikhawng mel lo in om hi. Hih bangin Zusan/Zukang dawrpi te ah Zuhang van kikhawnglo in aom teh, Zuhuan Nasep neipi leh Kawlgam Vanzuak vanleina ah Minister U Winmyint te Jan 23 ni in Nyipyidaw ah kikupnawina nei uh hi.

Hihbang in kikupnawina aneih na sung uh a, Irrawaddy gam sung leh Sagaing gamhuan sung ah Zuhang kihuamtawm tam mahmah ahihna leh India lam Haimual, Rihkhuadar pan Lamdawt/lamhut zui in Zuzuakna nasia mahmah ahih na thu mu khia uh hi. Hih Zuhuan na pen siangtho hetlo in Cidam nalam lauhuai mahmah hinapi Kawlgam Setyung pan kibawl Zuhang tesang in nasem te'n limsazaw ahihna mukhia hi.

Tua hihmanin Zuhang tuh, sitlo akhem huante leh gampua pan asimtham in Tax pia lo a, kizuak zuhang te khathum sung in abawlna leh azuakna dawr tepan 50% peuhmah akiamna ding leh asem teitei te koicidan in kumpi tungah Tax siahpiasakding cih gel lehsep tuahding thuphuang khia ahihi. Sagaing leh Irrawaddy gamsung khuata te Khua 10 ciang in khua 6 ah Zuhang kihuan hi ci hi.