Thawn Kham & ZomiDaily tutkhop, holimna
- Aki gelhni: Sunday, 29 January 2012 16:55
- Bangzahvei kisim: 251
ZomiDaily :: Tutung ZomiDaily ii “Zomi Star” Column ah suahsakding in “Kum 15 cin’ Tonzang Lawm Malaysia”
pawisim in ongzin ahi Zomi Lasiam minthang Thawn Kham tawh kana
kimuthei uhhi. ZomiDaily pan amanthei tanu pawlkhat kana kihelthei
ngeingai uh a, holimna hunzong saupitak kana neihpihthei uhhi.
ZomiDaily mintawh alim a al ihki nekpih
zawhlohdinghang ankuang umkhopna neihpihding cih ka lunggulh mahmah uh
hi a, ahi zongin tuazan a giahna a Ni te’n zingan nelo in avakkhiatding
naphallo sawnsawn uhhi.
Kotawh kaki muhkhoptheih uhciang in kakimuhna uh ansai ah naduh penpen vaikhakni kacih uhleh “Buhciim” ongvaikhak hi. U Thawn Kham in “Zomi te’n anlim ihsak pen Buhciim leh Aktui cihkhawngmah hilel hilomaw” ci kawmkawm in, amahzong Zogam pan ongzinkhiat asawttawh “Buhciim leh Gatam” khawngmah ana lunggulh giugiauta nahimawk hi.
Thawn Kham pen Zomi sungbek thamloh,
Kawlgam Level ah lasiam minthangkhat in ongki theihpih mahmah, ihki
saktheihpih mahmah Zomi lasiam khat ahih mahbangin nidang inzong Media
tuamtuam ah Interview naki bawlbawl khinzota hi. U Thawn Kham kiangah
akidongsa thute kicing mahmahkhin himahtaleh atuamdiak in ko ZomiDaily
pan “Video Interview” kana bawlpihthei uhhi. Media tuamtuam pan
Interview akibawl ngeikhinte pen dawnkikna te laitawh simtheih
cihciangbek hi a, ahi zongin tutung ZomiDaily pan U Thawn Kham ii Zokam
ngiat tawh a dawnkikna, a aw khumngiat zaktheihding leh alim amel
muhtheihding ci’n atuamdiak in kong vaihawm uh ahihi. Hih Interview
ongdotsak lasiam Deih Mang (Sower Sisters) leh Video Camera, Editing ongbawlsak Mung Mung (Blessed) tungahzong lungdamna lianpi ih pulakkawm pahhi.
Tukum sungzong aki hawmkhiading Thawn Kham’ Album thak nih om a, khatpen Zola Album hi-in, adang khatpen Kawlla Album ahihi. “Sinthu Zaaila” Album pen hawmkhiat theihding in Ready ta hi a, Kawlla Album ahi “Myat Yi Et Kyang” pen Vocal lutding kisamlai cihi.
Kawlkhuai pen Sung Tin Par in sakpih a,
Shan, Kachin te bawlngeidan in Chorus sungah atuamdiak in Zola leh
Khalkha la tawh kihelhsak cihzong U Thawn Kham in onggen hi. Kawlgam
sungah Zomi cih ongki teltheihsak semsemding lakhat ahih manin ih
ngaklah mahmah hi.
Lakhui tepen Zomi te khatlekhat
thakipiakna in Master mah ongki leisak henla, Copy ongki bawlsak
ziauziau keileh cihzong U Thawn Kham in Zomibup tungah ong vaikhak
phapah hi. Adiakdiak in Kawlgam ah MP3, MP4 aguangnuam aomlehzong
Computer saineite'n Master khui tawh ongpai-in, ong thunsak theiding
hi'ng na cithei le uh hoihmahmahding cihzong onggen hi.
U Thawn Kham pen ei Zomi sungah lasiam
minthangpen khat ahih mahbang in gamdang muntuamtuam ahzong lasading in
kisam kawikawi khin hi. 2006 akipan lasading in hih anuai a gamteng ah
zinngei khin hi.
- 2006 – India
- 2007 – Malaysia
- 2008 – Germany
- 2009 – Malaysia
- 2010 – USA
- 2011 pen paikhiatna omlo
- 2012 – Malaysia
Malaysia pen tutung tawh 3 vei ongzinna hi a, hihpan aciahkhit ciangin Singapore ah Zomi Nam Ni lasading in pailaiding hi.
U Thawn Kham kiangah tuciangciang la
dawng bangzahbang phuakkhin nahiam cih kadot uhciang in dawng 100 val
hamtangding cih onggenkik hi. Aphuaksa lakhempeuh lakah Zola sungpan “Zogam Aw” cihmah ongki deihsakpen cihzong onggenthei a, Kawlla sungpanzong “Kyaye Let Taw Tan”
kideihpen sa ing cih onggenkhia theihi. USA azinlai inzong USA aom ih
Zomi pihte’n "Zogam aw, ke'n ong taisan keining" mah naci vangvanglai uh
cihzong nuikawm in onggenkik hi.
Interview bawlna Video pen Part I leh Part II in kikhen a, anih in na etsak unmaw, lungdam! ZomiDaily
Video :: Thawn Kham & ZomiDaily Interview - Part 2
No comments:
Post a Comment
hih sung a ong lut ong ih u leh nau a kua mah peuhgh. it na khut tawh ban zal khut ong len in