India gam Guwahati ah Gialbem in nupigailai khat phuaigawp

Aki gelhni: Sunday, 29 January 2012 00:23

Agelh: ZomiDaily

Bangzahvei kisim: 326

:: India gam Assam State ii khuapi ahi Guwahati khuapisung ah Gialbem (Leopard) ihcih Sahang namkhat in nupi gailaikhat phuaigawp cih AFP News pan kiza hi. Hihpen zanni Friday ni-in Guwahati khuapisung ah thupiang hi a, tukhasung Guwahati khuapisung ah Gialbem in mi 3 veitak aphuaina hihtuakta hi.

Tua Gialbem pen Guwahati khuasung ganhing khawina pan aki tomkhia hihtuak a, kum 20 khawng aphapan nupigailai khat ana phuaigawp ahihi. Alu leh akhut phuaingawh khapen a, tuapan in si tampi luangkhia cihzong apasal in thukante kiang genkhia hi. Nupigainu pen laulua ahih manin sibup a, ahi zongin zato pan Doctor te genna ah agilsung aom anaupaai pen bangmah cilosam cibilbel hi. Anaupaai zong tuzawh kha 3 khitciang in asuakkhiading hita hi.

Tua Gialbem pen Forest Official te'n mankik uh a, khuasung aom ganhing khawina Zoo ah ciahpihkik uh cih kiza hi.

January 07 ni-inzong Guwahati khuasung mahah Gialbem in mi khat petlum a, mi 3 liamsak cihi. Nungkal mahmah inzong Gialbem mahin Guwahati khuasung ah mi 3 phuaigawp cih kiza hi. Hihbangdan Guwahati khuasung ah khakhatsung in thumvei vilvel apiangkhin himawk a, Guwahati khuasung aomte adingin lungkhamhuai mahmah hi