WZC, ZIA leh US Policy

Aki gelhni: Friday, 20 January 2012 12:07

Agelh: ZomiDaily

Bangzahvei kisim: 77

Thuthang kizakna ah USA in Myanmar Regime agawtna pen, Zomi leh Mualgamte deihna, Myanmar Army in a bucingsak leh sakloh ah kinga ding ci in, US mipi palai Mitch Mcconnell in pulak, ci in December 17, 2012 ni in Voice of America website ah kigelh hi.

Mitch Mcconnell in "Mualmite tawh kizopna bangteng bawllai ding hiam? cih ka encik ding uh a, tua tungtawnin Myanmar gawtna tawh kisai, ka ngaihsun pan ding uh hi." ci in gen hi.

USA in Myanmarian te tungah Gawtna aneih manin, Myanmar in hamsatna tampi tuak uh a, tu'n Asia lam zong lawh ta hi.

Nidangin Singapore siksan in gamdang tawh sumbawl uh a, ahihhangin Singapore leh Asia gam khenkhatte zong, US Sanction ah a awk khak ding uh, lauta uh ahihman in, Myanmar tawh nasem khawm ngam nawn phalo uh hi.

Gentehna in Singapore Bank te in, Kawl migilote sum kem ngamnawnlo uh a, Kawl te'n broker/puaisar azat uh kul a, khem thuakthuak in sum tam pipi mangthang sak uh hi.

Nungdeuh in Kawl galkap company te sum USD 60,000.000 tak, Singapore puaisar khat in khem in, buaina lianpi tuak uh hi.

US Sanction pen hibangin khauh ahihmanin, Myanmar Army lau mahmah ta ahihi.

Mitch Mcconell pen US innpi ah, Myanmar te Gawt ding thuluikhia pa ahihmanin, tutunga Mitch Mcconel thugen in, US policy deep ding cihna hi.

Tu ta abat leh, Zomi leh Mualgamte deihna atangtu'n masiah, Zomi leh mualgamte duallo dinga, Mualgamte adual masiah, US Economic Sanction kikhahkol lo ding ahihmanin, WZC leh ZIA malakna pen, a hunlian a kivaihawm thu ciim khat ahihi.

Mr. Mitch Mcconnell pen atheih baih dingin, WZC makai khat ahi Pu Thang Khawm Pau te omna, Kentucky State pan a mipi telkhiat, US innpi palai khat ahihi