White House Chief of Staff nasep khawlding

Aki gelhni: Tuesday, 10 January 2012 15:13

Agelh: ZomiDaily

Bangzahvei kisim: 50

Tweet

Share

View Comments

ZomiDaily :: White House sungah President Obama ii Chief of Staff asemlaitak ahi Bill Daley in nasep khawldingin Resign cih Foxnews pan kiza hi. Bill Daley pen ama khankhiatna ahi Chicago ah ciahkikding a, "Obama's 2012 Campaign Team" ah Co-chairman semding cihi. White House pen tulaitak President Election bawlkikding vaitawh hitaleh US Economy vaitawh hitaleh abuai hehu mahmah laitak ahihi.

White House Chief of Staff William Daley (taklam) leh azalaihding Budget Director Jack Lew (veilam)

Chief of Staff Bill Daley ii zalaihding pen tulaitak Budget Director asempa ahi Jack Lew hiding cihzong President Barack Obama in January 09, 2012 ni-in White House sung aom State Dining Room pan tangko khiakhin hi.

"Bill Daley pen Chief of Staff kician mahmahkhat hi a, ka Administration ah akibuai mahmahkum laitak in nasep silbawl tampitak ongzawhsak hi" ci'n President Obama in apahtakna genkhia hi. Bill Daley in White House ah Chief of Staff asepzawh pen kumkhat sungkhawngbek ahihi. Ama lutma in Rahm Emanuel in Chief of Staff nasemngei a, tuapa zong Chief of Staff akhawl khitciang in Chicago Mayor semsuak hi.

Bill Daley in Political Experience leh Knowledge tampitak nei a, kitheihpih meltheih Contacts zong tampi neihi. Chief of Staff pan akhawlding ahih hangin Obama's Campaign ah tua ama kivakna, pilna te zangin tukum President kitelna ah tampitak ong seppih theihding ki lamen hi ci'n Official inzong genkhia hi. ZomiDaily