Naypyidaw Airport hangin gamdang khualzin tamtuamding

Aki gelhni: Thursday, 05 January 2012 14:56

Agelh: ZomiDaily

Bangzahvei kisim: 161

ZomiDaily :: Kawlgam khuapithak ahi Naypyidaw aom vanlengtual zong International Airport ci'n kumpi thuneite'n tangko khiakhin uh cih Reuters pan ihzaksa ahihi. Tumasiah Kawlgam ah International Airport aki neipen Yangon leh Manadalay bek hi a, hih Naypyidaw International Airport hangin kumkhat sungin gamdang vanleng 65,000 Flight bang khangto tuamding in ki lamen hi.

Hih Naypyidaw Airport pen Asia World Construction Company te'n Singapore gampan CPG Consultants Pte Engineering Firm tetawh ki pawlkhawm in alamkhiat uh ahihi. Hih Airport Project ah China inzong huhna sum honpikhat piakhia uh cihi. Ahi zongin hih Project bangzahlian bei cih ki theician nailo hi.

Hih Naypyidaw International Airport pen 2007 kumpek in Kawlgam galkap kumpi thuneite'n ana simlamkhit uh hihtuak hi. Kumpi te'n Kawlgam ii khuapi pen Yangon panin Naypyidaw ah kituahding cih atangko khitzawh kumnih ciangin Airport Project akipan hi ci'nzong ki ciamteh hi.

Myanmar Transport Ministry te genkhiatna ah vanlengtual ii Runway pen 3.6 km sau ci a, Control Tower zong 69 Meters sang cihi. Vanleng tungpan tuahkhiatna Passenger Boarding Bridge pen 10 pha ci'n, hih vanlengtual thak hangin kumkhat in gamsung gampua akawm vanleng 50,000 pan 65,000 bang khangtuamding cih kiza hi.

Tulaitak Yangon International Airport ah kumkhat sungin khualzin gamvak mipen Passengers 2.7 Million bang pha cihi.