Jennifer Lopez in alawmpathak tawh Miami ah kumthak zangkhawm

Aki gelhni: Thursday, 05 January 2012 13:55

Agelh: ZomiDaily

Bangzahvei kisim: 133

ZomiDaily :: Jennifer Lopez zong a nuthawi zawh sawtnailo ihcihleh tangval mumngek mikmek khattawh khutkilen in a vakkhawm hialhial laitak DailyMail thukante'n namukha citciat uh hihtuak hi. Jennifer Lopez pen ih theihtheihsa mahbangin kum 42 aphakhin hi a, akum atam zenzenhang nungakno mah abang likleklai ahihi. Aki thuahpih tangvalno papen Casper Smart cih minneikhat hi a, tuapabel kum 24 bek phapan hi.

A taktak inbel akum uhzong aki lamdanglua hisamlo a, nambat 2 leh 4 anung amai naki lehbulhkha citciat ahih manin kum 24 leh 42 cihdan ongsuak ahihi (kum 18 bel kikhai veve). Lawmte pawlkhat cihdanleh akumbel athupi himasa keiven maw, tualeh abang athupi masa himawkding cihlah theituan samlo.

New Year sung Miami ah Romantic Trip ci'n ava zinkhawm uh ahihi. Jennifer Lopez pen a pasal Marc Anthony tawh nungkum July kha in aki khen uh hi a, tuazawh a nungak kik ahihi. Marc Anthony tawh tazong akipeng nei uh a, Max leh Emmie ahihi. Kum 3 khawng phakhinta uh cihi.

Jennifer Lopez in 2012 kum kumthak pen alawmpa thakliklek Casper Smart tawh Miami aom Soho Beach House ah nitak ann nekhawm in muak uh cih kiza hi. Athupilua ahihloh hangin leitung website minthangpipi te'nzong thupibawl uh ahih manin ZomiDaily ah Celebrity a ukzawdeuh te adingin cimphawng kong suaksak uhhi.