MAW...?

Aki gelhni: Friday, 27 January 2012 00:08

Agelh: P. Lianbawi

Bangzahvei kisim: 136

Share

1 Comment

MAW...?

• Siamna nei in, nisim in tha lala a i hat mahmah hang zangkhia ngaikei leng i ki ginginna te a mawkna ahi kha tam maw?
• Khua nawl ah thau ging ging ta in en inn lam sansan leng a zekai lua kha tam maw?
• Gen gen in tha leh ngal tawh sem khia ngei kei leng a tangtung hak deuh kha tam maw?
• I pil' i siam mahmah, i hat mahmah hang ngalkhaat bangin tangtat leng gualzawhna i ngah tam maw?
• I pil, i siamna te i kidem dem sang zangkhawm thei leng i mazang zaw kha tam maw?
• I ki hazat sang ki pattah leng i picing baih zaw kha tam maw?
• I cin lohna te i ki zahpih zang ki hilh leng thupha i ngah lawh kha zaw tam maw?
• Haksatna i tuah ciang i mawk buai buai sang, bangcih ding cih kikum leng vai a siang baih zaw kha tam maw?
• A beisa thu hoih lo te i sutsut sang i mailam ah thu hoih ding geel in kikum leng i khangto zaw kha tam maw?
• Pasian thu a gen i tam sangin a zui tam zaw leng vangtung gam tung i tam zaw kha tam maw?
• Pawlpi i sihpih ngam sangin Pasian i upna tawh a singam hi zaw leng upna maan taktak ahi zaw tam maw?

(Ka lungsim tawng pan....)
P. Lian Bawi