Khuahun zui a ganhing namte khuasakzia, nang koi utzaw?

Aki gelhni: Saturday, 14 January 2012 14:00

Agelh: Hau Thang

Bangzahvei kisim: 145

Pianna Zogam ah Khua hun Tuuk, Phalbi, Khuakhal namthum ih nei hi. Ih Zogam ah Zomi te Nuntak zia ngenloh Ganhingte khua sak zia te lam dangmahmah hi. Tua te sung ah Vasa te, Khuai te leh Misi te nuntakna lamdang penpen hi.

1. Vasa te Khuasak zia:
Tuuk hun laitak in Singgah namkim gah in min zih ziah a, vasa ten autut namun ah anek ding an zong thei in, aham/pau kibang amel kibang, in kikhawl khawm liailiaihi. Tuuk hun ahih mahbang in apaipai na ah singgah nam kim om ahih man in pawl a ngaikei hi.

Phalbi hun hongtungleuleu a, singgahte heu ta in Zogam Mualdawn ah Phuitongte paakzihziah in Zogam Etlawmsak mahmah hi. Tuuk hun banglo in Nek ding honghamsa pianpian a, Vasa nam kim in Phuitong omnamun hong zuan hi. Phuitongpaak kipanpan atung/kung ah tuang in hih phuitong in kei hongvaak/an hong piadinghi ci-in amau ham/pau ciat tawh pau/ham kiaukiau aa, a zaknop huaimahmah aw namkim in amau ham ciat tawh lungdam nathu a ngenhi.

Khua hongkhal in Phuitongpaalheu ta a, nekding hamsat hun hongtunghi. Tuite hamsa in Luituite hongkang ta hi. Vasa nam kim cih nading kitheilo in aom laitak in Simgam mun ah KHUANGSUAN (Suangkua) kici lingnei kungte hongpaalhi. Apaal/ paak san sinsen a, gamla pi pan kimutheihi. A galmuh vasa te hongleng in Khuangsuanpaak san sinsen, namtui viauviau, akung ling nei liiphiiphiat tunghong tuanghi.

Khua khal hun ahih mah bang in Vasa nam lak ah kihel Simbu keeisingte, Musi te, Muvan Laite, Musane te in KHUANGSUANPAAK nuntak pihtheitakei leh Vasa nam kim in bawm ahih man Khuangsuanpaakgei va beel leh Lungdamnathu tangko Vasa nam kim apai namel kitheilo in leng mang hi. Nang koi ut zaw?

2. Khuaite khuasak zia:
Tuuk hun laitak in muntuamtuam ah nekzong uh a, Meeting cih bang neisese loin Nam kibang paukikhat melkibang teng in Khuai Kumpinu khuasak na bu phual ah butam khawm in Khuasa tazen uh hi. Khuaite Bu saa in innlamh laitak amua leh mau nam kibang te akitoh lam kamu ngeikei hi.

Phalbi kuan hongtun teh abusa/abucing Khuai nam te ahi Tuunpi Khuai, Ngaltuun Khuai , Zantakhuai, Khaui mupi ten adang khuai bu teng simh kipanpan ta hi. Athah man that in om a, ahih hang anam but in aphiat lal zo ngei kei hi.

Khua hong khal ciang in Khuaiva,Khuaipi te hongkhuasa ta uh a, Tuunpi, Khuaithuum busa/pha, Zanta khuai busa/pha te bang se lo in azu khum nono, Khuaidang te genloh Mihingte honghawm/pia in tongvak thau kingkeng hi. Nang koi ut zaw?

3. Miksi te khuasak zia:
Tuukhun laitak in an namkim kimuthei ahih nam in nahteh/sawlpaang nuai ah khuasa in anamnam in kibu phual uh hi. Mikpi, Miksa, Miksansansi, Huanghua, Phaklang, adang namtampi om laihi.

Phalbiihun hong tun ciang in leisung ah Innsa ding kipan in Kua/Bu zong in ahonhon in phualtuan in kizui in/atate pua in pai dendan uh hi. Metting bawlsese lo hi.

Khua khal hun hongtung ta a, anam nam in abu/ akua ah akhol sa anteng nekhawm liai liai uh a, apua lam ah pusuak sese lo uh hi. Apua lam pusuak te khua khal ahih mah bang in gamkang thei a, mei in hal tum thei hi cih theikhol gige hi. Nang koi ut zaw?

Tua ahih ciang in Zogam ah mihingte sang in Ngan hingte nasep na in alamdang tak in hong lak a, acihtakna leh asep khiat na ka muh ciang in kitel cian min neilo, Internet min kaneih sese nuam kasa kei a, ngan hingsang in Mihing mah ka uh zawhi. Nang koi ut zaw?

Hau Thang