Kawlgam ah Norway Company te nasep kilimpat sawm

Aki gelhni: Thursday, 19 January 2012 06:18

Agelh: TONGSAN

Bangzahvei kisim: 34

Share

0 Comments

Kawlgam kumpi thakte in kimakaih zia hong khekna tawh kizui-in, leitung gam tuamtuam pan Company tampi tak Kawlgam ah nasepkipat sawm mahmah uh a, tulaitak Yangon khuapi mahmah ah nisim in gamdangmi lut ziahziah ta cih kiza hi. Tua bang kawm kalah nung kal sung thongkia 600 val akikhah khiat ni a zingciang mahmah in, abeisa tawlkhat lai akipan US le EU gamte in Kawlgam sungah sumbawl sumzuakna le nasepkhopna ( Investment) te akhaktanna panin Norway Company te nasep kipankik thei dingin Norway kumpi in January 14,2012 ni-in pulakkhia uh hi.

Tua bek tham loin, Norway Company a tam theithei in Kawlgam sungah ( Investment) nasiatak a bawlna dingin thapiak kisam zaw lai ci in, Norway Foreign minister Mr. Jonas Gahr in gen hi. Hih bangin Kawlgam ah sumbawl/ sumzuak kikhakcipna ( Sanction) pan akihonkikna hang pen Kawlgam kumpi in adiakdiak in Thong kiate akhahkhiatna hang ahi hi ci in Mr. Jonas in kiciantak gen hi. Tua hi in Kawlgam ah hauhtheihna leisung, tui sung sumpiang a dimin om ahih manin, Norway Company te in nasiatak panlak sawm mahmah uh ci hi. Norway kumpi in Daw Aung San Suh Kyi le Kawlgam ading abeisa akipan tuni dong nasiatak mapang mahmah ( Supporter) gam khat ahi hi.

Tua banah Norway kumpi in khaktanna (Saction) ahonkik hangin European gam tengin bel khaktan suak lai ding uh hi ci in, Mr. Jonas Gahr Store in Norway gam sungah TV minthang pen ahi NRK pan pulak khia hi. Kawl kumpi in Thongkia tampi akhahkhiatna hangin, Kawlgam kumpi thakte tungah muan ngamna kinei tuam ding ahih manin, Thongkiate suahtakna pen thuhoih mahmah ahihna zong gen hi. Norway Foreign Minister Jonas in a sawt loin Kawlgam zinsawmna thu zong gen h