Kachin gamsung ah Kawlgam galkap ki puakbeh

Aki gelhni: Friday, 27 January 2012 21:26

Agelh: ZomiDaily

Bangzahvei kisim: 250

:: Kawlgam sungah KIO (Kachin Independence Organization) leh Kawlgam kumpi te kilemtheih nadingin "Peace Talks" aneih uhhang in kilemna piangthei tuanlo cih Kachin News Group te'n genkhia hi. Tuazawh kalkhatzong sawtlo in Kawlgam kumpi lampan galkap honkhat Kachin gamsungah puakbeh uh cihzong kiza hi.

Hih anuai a limpen Kachin News Group pan aki lasawn hi a, Myitkyina-Bhamo Road tungah Kawlgam galkap te'n anawklaitak ahizaih ahihi.

Nungsungteng Kachin galkap tetawh akidodo pen Mandalay Division, Meiktila sung aom Light Infantry Division No. 99 pan ahihi. Tu'n tua galkap tengpen Kyaukme aom Military Operation Command (MOC) No. 1 leh Theinni (Hsenwi) aom MOC No. 16 tetawh ki laihsak uh cihi. Lamkhat pan Kawl galkap te ki limgin mahmahlai cihding ahihi.

Manwin khuasung mite genkhiatna ah Monday ni-in Kawlgam galkap honkhat Manwin - Muse lamzikpi tawnin Truck 29 in nawkto cihzong kiza hi. Kachin News Group te genkhiatna ah tua Kawlgam galkap tepen Light Infantry Division No. 99 nuai aom No. 992 Tactical Command pan hi ci uhhi. Amakai pipa uhpen Colonel Win Naing cihciang kiza hi.

Kachin leh Kawlgam kumpi bangciangdong ongki dototo lai uhdiam cih Kawlgam mikhat ading in alunglut huai thukhat ahihi