CNF leh Kawlkumpi te'n Ceasefire Agreement bawlkhinta

Aki gelhni: Saturday, 07 January 2012 06:12

Bangzahvei kisim: 195

ZomiDaily :: CNF ihcihcih Chin National Front te'n Hakha ah Kawl kumpi tetawh ninihsung aki muhkhit uhciang in Ceasefire Agreement kilemna bawl uh cih Chinland Guardian pan kiza hi. Ceasefire Agreement laidal tungah CNF leh kumpi lampan in thuneite'n Official takin letmat thuhna aneikhinta uh ahihi.

Dr. Sui Khar leh Colonel Zaw Min Oo khutkilet laitak

CNF lampan in Leader of CNF Delegation ahi Dr. Sui Khar in letmat thuh a, kumpi lampan in Railway Minister Aung Min leh Chin State Chief Minister Hung Ngai in letmat thuh uhhi. Witness atheihpih dingin hih kilemna apiantheih nading amakaih ahi Peace and Tranquillity Committee pan Representatives minih inzong letmat thuh uh cih kiza hi.

Hih kilemna thukimna ah akihel Three-points Deal ah CNF te'n Matupi, Thantlang leh Tedim khuathum ah Office neiding uh cihi. CNF Delegation tepen Hakha panin Thantlang ah zankhat ngikpheiding uh a, tuakhit ciangin aomna uh ahi India gamgi ah ciahto kikding uh cih kiza hi.

Hih CNF leh Kawl kumpi te' Ceasefire Agreement hangin Zogam ah bangthu bangla in ong nungzuihdinghiam cihkhat lunglut huai leh lunghimawhhuai mahmah hi. Nang ee, bangci na ngaihsun a...