Basic Education Pilna Sinna Ngaihsut Huai

Aki gelhni: Saturday, 07 January 2012 06:28

Agelh: GK Thangno

Bangzahvei kisim: 42

Share

0 Comments

Kawlgam pilna sinna pen a hun a hunin kilaih den aa a kip, a kho cih bang om thei nailo hi. Sang naupangte tungah experiment kibawlin a bat keh kilaih ziauziau hi. Hih lai-at pa'n Education Department- ah kum (35) nasem a, a nung leh a mai a tuah khak thute a ong pulak khia ahi hi. 1964 ma in sang naupang a pil a siamte scholarship kipia aa, a mau mahmah in a mau pilna, siamna thaman ngahpah uh hi.

1964 kum aa kipan scholarship system pen kizang nawnlo in Sang naupang a pil a siamte, kiteel khia aa, Middle level leh High level ah, tua a kiteel khia sang naupangte summer vacation sungin, Ngapali beach or Inlay munte ah, luyechuan(outstanding) project in kipaisak hi. Tua munte ah Myanmar Socialist lansin party ii ideology- te vaipuak a nei te'n sinpih uh hi. Hih Luyechun project pen tawm vei zawh teh kizang nawnlo leuleu hi. Manglai sinna tawh kisai-in, Middle tan(6) pan in kipan in, English (1) leh English(2) ci-in kisin aa, English (1) pen prescribed textbook hi-in, English( 2) pen High School English Grammer & Composition panin a tan tawh kituak in English Teacher in hilh hi. Hun khat hong tung leuleu leh English (2) kisin nawnlo leuleu in, Text book bek kisin hi. Tua ahih manin tulai khangthak Sang naupang te'n Grammer pen theilo uh hi.

1980 kum teh, English sin dan pen Infant class panin experience bawl a, a kizat theih tuak leh Middle & High level ah sin sak toh dingin hong geel leuleu hi. Tua method pen "Look and say" method hi-in, Sang naupangte in, Gtn:- Infant class bangah naupangpa/ nu in na khat(object) pen a min a lawh ma in a mittang mahmah a mu dingin, tua a muh pen mangpau tawh cisak dingin, a aw suah a mantak aa a cih theih zawhteh, at sak ding ahi hi. Tua hi a(4) skills of teaching and learning Listening, Speaking, Reading & Writing hih (4) skills a thupi a kila ahi hi.

Hih pen Primary level bangah kingaksap mahmah hi napi'n kumpi ngimna ah Infant sang naupangte amau hun pan kum(10) bang ciangin (10) hong tung ding, tua hun ciang Sang naupangte ii Manglai siamna standard bang ci ciang cih hong kan uh teh ni dang hun English-1 and 2 ci aa kikhen lai sangin niamzaw mai in kimu hi. Tua ahih manin Kawlgam Education pen a diakdiak in Manglai siamna bang ci ciang cih hong kan uh teh nidang hun English-1 and 2 ci aa a kikhenlai sangin niamzaw mai in kimu hi. Tua ahih manin i Kawlgam Education pen a diakdiak in manglai bang a standard niampha zaw hi. Hih pen remedy ndingin nuai a bangin a ngaihsut huai tam?

Tu laitak sangte ah Sang sia leh Sang naupang proporation i et teh Sang sia khat in a sang naupang (40-50) bang uk hi. (1:40 or 50) Sang siate'n Sang naupang individual attention pia zolo hi. (4) Skills pen tawh kalsuan pih ding pen hamsa mahmah ding hi. South-East Asian gamte i pilna sindan laibu sung pan ahi zongin (or) a va paite i gente i zak teh Kumpi ngiat in pilna pen thupi lak mahmah aa, sangsia khat in Sang naupang(20-25) ciang bang vaipuak la uh hi. Lai hilhna aa kitangsam ahi teaching Aids khawng teaching materials a cingtak in vaihawmsak hi. Tua ahih manin Siate aa dingin Sang naupangte individual attention pia zolua uh hi.

Ih Kawlgam ah zong i gam vengte bangin sem theilo ding i hiam? Semthei mahmah ding hi hang. Kawlgam pen gam zaw hi zenzenlo hi. Ih gamin a thu in pilna pen a thupi ngaihsut danin i gen hangin practical in kizuilo hi. Tan (10) sangpi bangah "Pilna toif;awmf twGif; uefYowf tawh a khangto gam lam ding" ci-in poster lian pipi kisuang hi. Tua i tangko bangin i sepkhiat theih nadingin sum kisam ding hi. Kumpi'n pilna lam a ding Budget a geelna uh ah, za-ah khat na ngawn hilo hi. Tawm lua hi. Hih tawh Kawlgam bup pilna i sangkhan zawh nang pianzolo ding hi. Gamhutna dingin 80% bang hi-in a dang 20% pen mun tuamtuam aa dingin kigeel hi.

Kawlgam ah Sang naupang tampi pha a, pilna pia dingin qualified sangsia tampi kisam ding hi. Sang inn zong kisam, Class-room zong sangkim ah behlap kisam ding hi. Teaching aids ahi lai sinbu, a kipan kitangsam a dingin capital tampi mah investment kisam ding hi. Hihte tangtun sak na'ngin i kumpi'n pilna lam a dingin budget a tamzek khat hong zeek khiat ding kisam in ka-um hi.

Tu laitak Sang naupang tampite gamtat luheek, omdan khawldan a kipan moral leh morale kisam mahmah hi. Communication a baihna munte ah High School sangte ah pasal leh numei bawdate limphatak in lamsak zo-in, khua sungah inn sap sang naupang omkei leh a bawda mah ah om ciat in bawl ah zong anneek tuidawn pen a sang bawda mah in vaipuak la zaw in sum kidongin messing committee in annek tuidawn vaipuak la vet in an hun ding zong cialvet leh sang naupangte'n laimah limpha tak a sim theih na'ng un Bawda a ci'ng a kem Siate'n vaipuak lazaw leh hoih ding hi. Zingsang, nitak Supervised study neih pih tangtang ding, discipline tawh kalsuanpih leh sang naupangte zong khat leh khat kithusimna, kizahtakna te omzaw ding hi.

Tua ahih manin Taingditahkyi leh State hluttaw kusale te'n ah limpha takin hong ngaihsun pha in, lawngkhat in hong ding thei uh hen la, hluttaw kikhopna-ah thu hong sung thei le uh mailam a i tu i tate a dingin, ih gawlgam pilna sindan a tung aa i gen bangin hong kisemzo leh tampi tak in phat tuamna kingah dingin ka lam en hi. Asian gamte mah bangin ei kawlgam zong i khantoh nang in sep theih, gen theihna a nei i khamtunggam hluttaw kusale te'n hong ngaihsun pha mahmah le uh cin hong tangko ing. Pasian in hih a sim khat teng khempeuh tungah pumpi cidamna thupha hong pia ciatta hen.
GK Thangno
Source: Zolengthe