Beyonce' tasuakcil adingin US$1.5 Million mannei kimawlna leisak

Aki gelhni: Tuesday, 10 January 2012 16:23

Agelh: ZomiDaily

Bangzahvei kisim: 39

Share

0 Comments

ZomiDaily :: US Pop Diva ci'n leitung lasiam minthang vangvang Beyonce Knowles leh apasal Jay-Z te'n January 07, 2012 (Saturday) ni-in tanukhat neita uhhi. Lenox Hill Hospital pan asuak hi a, a tanu minding in Ivy Blue Carter ci'n phuak uhhi. Beyonce pen miminthang leh sumnei sumhau khat ahih mahbang un anausuah nading Hospital pen US$1.3 Million bei-in a Floor bup in sapzihziah uh cihi.

Beyonce te nupa in atanu uh itlua mahmah uh ahih manin asuahzawh kalkhatzong cingnailo himah taleh atanu adingin Rocking Horse khat US$600,000 tawh leisak uh cizen hi. Sumnei tebel noptuak ziahziahmawk mah ei. Tuaban ah Hihg Chair khatzong US$15,000 tawh aleisak banah, Playhouse kici kimawlnading khatzong US$30,000 tawh leisaklai uhhi. Atanu uh Ivy Blue Carter adingin kimawlna Toys leh Equipment bekbek aleisakna uhpen US$1.5 Million bei civenvan lianghi. Tuazah neileng cihcih nophuai phial a, ahi zongin eizong asum omhileh tuazahsang atammanzaw aleisaknuam vivebel ih hihi.

Tulaitak Beyonce pen kum 30 valdeuh hipan a, apasal Rapper Jay-Z pen kum 42 phakhinta hi. Kum 6 sung aki ngaihkhit uhciang in 2008 kum April khat in akiteeng uh hi a, tukum ciangin tacil aneipan ahi uhhi. "Welcome to the world princess Carter, and congrats to Beyonce!"
ZomiDaily