Phalvak buh-al hong khuang ngeungeu
An su kikkikh tui tawi keihkeih;
An hawp lualua bawm pua kheukheu*
Vailo zuan in pai suk leihleih.
Tungsunni in hong el vengvang
Tukawl tawi in lokho kehkeh;
Zu va bengin kutsan vengvang
Ankung khang leh nuam lua tehteh.
Keel-an khop in ciah to kengkeng
Huihkhi hong lang din khawl dingdeng;
Vaimim ciim khing sa sak lengleng
Kisil sitset um pah tingteng.
Khua mial hanhan kha tang ciaiciai
Itlehngaih tawh khawlkhawm liailiai.
By: TP Thawnpu
No comments:
Post a Comment
hih sung a ong lut ong ih u leh nau a kua mah peuhgh. it na khut tawh ban zal khut ong len in