Zomi te dinmun koiciang ah

Aki gelhni: Sunday, 08 January 2012 11:17

Agelh: Thang Khawm Pau

Tulaai Leitung thupiang tuamtuamte ento lehang mitepiltheimahmah khangtotheimahmah in zong ki it theimahmah uhhi. Leitungpilna siamna lamsangbang ah US te enpaklehang Ahawlkuullo vaanleengthukan cihtepawl, thukantuatuamte mattheiloh muhtheihloh vaanleengcihkhawng ,agamsung kheempeuh uh lampi anengatawng a thei GPS cihkhawng bawlmawk in leitung neusa mahmah mawk uhhi. Pil na lamsang bang ah enleuleuleeng University te genngamkhang High School hoihtak azosakhat peen apilna zong genkei mai laai ni hakpahteeltaal mawk uhhi. Ki itna lamhsang ah zong US gammitebang enlehang hoihteh ong-it ing akicih uhleh hemlamsinthu hilo in taksinthu hipahpahhi. Mihinggenloh in amau ganhing nangawn naak itmahmah uh-a mihingkhat le khat kizahtaak mahmah uhhi. Khatveivei kangaihsunsunkha a Hihmikaangte ei himawk in amau eikiang ah ongpeem hi in Refugeekhawng hileh cinkangaihsutciang kanuikhakhamai hi. Ei peen kawlpi leivuilak maha ateengte hinapin khamtunglampan ongpaite tawta cinonga aenneunuampah te ihisese hi. US gambang ah itna naakneihlua mahmah uh ahihman in nu le nu pa le pa nangawn ki it kingaimawk uh-a mizi mipalsal peuh itna neilualiangkha in itsak ngaihsak ngeingailiang in ongvaalzekzawzenmawh hi.

Zomi te e leh ihihnatak kicileeng mipilpipi misiampipimah kikopah ki-inntanpah kimudahpah kihopihnawnlopah sese hihang. Aki-itta i-kicitheidiam? Miten pilnasiamna ahauhmahmah laaitak in Zomiten bang a tun ihauh pawlpi leh kipawlna cileeng khialkhollokhading-in kaum hi. Zomi mipitepeen kikialmahmah leh igamkeugawta ahihman in vasano annduhbang-in agingkhempeuh lawpmahmah ahihman-in annvaakzongapding ihihkeileh zong phawngphawngselohding thupi mahmahding hi. Tulaaitak ikipawlnalianpi GZA bang ee sang/lian asamahmah tawh tuasung ahzong kihelding kihelnameel atheinaailotawh aomdildiallaai Zomi te ihihi. Isanggam khalkalam enpakleuleuleeng lawmte leitung level in gamtaang uh-a tu a I GZA tedantebang tuma kumtampi in nakipankhinta uhhi. Eimipeen ikamcidamtheimahmah in taksalopahpah hi. Ka cihnopna ah GZA neu hi thupilo hi kacihna hilo in kiziakaai kacihnopna ahihi. A dangdangte igenkeiding a US pai a Shushi hualziatektek zong ei leh mi a akikimlohna tawm igending hi. CNA makaaipikhat ahi Pu Zing Cung CNA semkimlaai US ongleengvingveng in Shushi ongzialkawmkawm in atangvaal laailamsang kivate ongsamziahiziah in Tulian a kawlkumpitawh kihoding a apaikhatpa ahi Dr Salai Ngun Cung Lian bang Pu Zing Cung sapleh sponsor hi-a Indiana University pan Law tawh Dr angahkhitban ah tuasang mah ah Law Department ah aliankhat in pangzo ban ah tun kawlkumpi nangawntawh kihoding mimuanhuaitelak ah ongkihelzo hi. En Shusi sai ineih itanaukhatbeek in aphattuampihhiam ngaihsuthuai hi. Vantung ah bank card kikentheituakkhollo hi cih phawkciat ni. Tuabek hilo in Dr Ngun Cung Lian hang in Indiana ah khalkha khangno University sangnaupang 150 sang atawmzawlo omhi kicihi. I Degree in eimapumpi bek tangial kivaakzo ihiam itanaukat iminamkhat in aneng alawhtaak hiam? Khangluiten hausaziak in kuangzawnbaan nanacisam hi sanggamte aw. Dr Rev tektek zong ei a leh mite a kilamdang kasasese hi. Khalkhate Rev Dr khat ahi Re Kio enpakzalleeng mi azalom asim in hamphatpihmahmah hi. Zomi Rev Dr kitam mahmah hi koi ah zagenkei ni uilikhatbeek in hamphatna angahhiam kisithuai kasamahmah ta hi. Pasianthu icihzong ahiciangkhat omkhading in kalam en hi. Lawmtekhat piangthaklua diktatlua in zu adawndingciang thungenphot acihbang keek in Pasian thu cihkawikawiding zong ahimahhiamcihzong lungngaihhuai kasamahmah hi.

Tu a I GZA bang in khalkhaten sawtpipeeklaai in naneikhintham uh-a Tuamun ah innkhatciang $150 kumkhatai kumsim nakhiangiatngiat uh ahihman in tun in $1500000 bangneita uh-a sumlehpaaipataunawnlo in gentehna in Tutung ah kawlkumpitetawh kimudingte’lamsapding cihbang Tualo makaaidangtuamtuam vaaksukvaaktohnading sumte zonzonkuulnawnlo in akicing in nei uhhi. Angimnalianbang uh-ah kawlkumpibangtawh na ongsepkhoptheih uhteh sum akulleh sumtawh pilna akisap leh pilna tha akisapleh thatawh na ongseemding uh-a tuahunciang ensum naneikei in a mauzahpilna naneikeilehang imipite den a igensamahbang in vasa anduh abang ahihman un lawmtekiang ah paaimangding cihthu ahihi. Pawkding in tuahunciang pilna leh sum ineihkeileh Pastor te khawng Minister dingkhawng a ki vote lokhading hi. Tuahunkhawng ciang khalkha lamte vivekhawng ulian onghihenla eitenna ikhuapi tangail ah GZA khawmpi bawlkiphallo khawng ongcimawkmawk leh ee..lungngaihhuai …

Kipawlnakhat leh khat I ikizopziatezong mite atawh kikhaimahmah ban ah mite a asiakzong akibannaailo ahihi. Lawmkhalkha lamte kizopzia tawm enpakleeng pawlpi leh Pastor ten politics seemlo napin support uhhi. Zomi tee e leh politics kigeen leh ngalkhawhaangmu bangpah hihang. Ahangpeen mi uknanuai ah omtawntungding cihna ahihman in ilungsimte sangkhan huai kasa mahmah hi. Makaai leh mipi kizopna lam enleeng amau Makaai peen a qualify mahmah te leh secular neisa te bek in seemban ah mipinzong seh uhhi. Secular ah zong ki uknalamsang minamvaailamsang law lamsang cihbangtebek in seem uhhi. Engineering khawng in makaainaseemlo uh in engineering ten anasep uh seem in sumtamngah uh ahihman in piakkhiatnalamtawh mapangzaw uhhi. Tua ahihman in mipinzong makaaite cihbangbang mangzopah in kilem mahmah uhhi. A media neihsunsunte uh ei bang in kitotona kitona kikona kiphatnapeuh in neilo in media leh information takpi in zang uhhi. Eimisung ah sinngaplopi in media tamanuam kasasimsim hi. Politics, social leh religion peen tulaai US te gaalkaap vanlam tuilam leilam kihualtakin tomkhawm in gaal adotheimahbang in kilemtak in paikhawmthei uh-a politics madawk in social ten akaal ah khaubang in zom in Biaknaten nungzuih liailiai uh ahihman in mazang mahmah uhhi. Ei a peen khatveivei kangaihsutsut ciang I position zong amanlo ahikhatam kasimsimzelzel hi. Politics mitekhawng kihtaakbawl kitheihkheemmawhbawl , kheng cihkhawng hizawsop in lehtattat leeng kilawm kasa hi.

Politics, religion leh social peen kizomtheitaknaailo hiahang kawlten Russia gampan gaalvanlei in leilam vaanlam tuilam kikop in sinna aneih uhkeh kikaplumkhamang dektak acihbanglian ihiklaai a ahangpeen anuai a tenghang ahihi.

Kei a kipan in ei kihellohna peuhpeuh awlmawhlo thupisimlo, kizopding leh athu alakanding hanciam in neilo , dobawlpianpah, angimna enlopi in ami enkhapahpah, Ei a ma hisatentan , eitum a hikisa mahmah , angsungtheilua, kineihna tamlua , secular lamsang hahkat in neilo,Kamtamlua, kipawlna thupisaklua mahmah hihang.

Tua ahihman in Sanggamte aw Politics,biakna,social cihte khensiam a puahhuai kipawlna party gentehna in ZNC ,ZCLS,GZA,BIAKNA KIGAWMKHOPNA cihte akipan iminammin apuate ipuah a sumneiten sum pilnaneiten pilna tha le ngal hun le ni sitlo a kipawldiamdiam a maa ipankhoptheikei leh niamlam imanawhkhaakding lauhuai kasa mahmah a tu in kipatpah ahunkhin ahihi cih iphawktawntungding hi.

Zomi itna tawh
Thang Khawm Pau ZOMi