Zogam hoih nading maw?

Aki gelhni: Tuesday, 03 January 2012

Agelh: Timothy (Naulak)

Bangzahvei kisim: 49

ZomiDaily :: Kawlgam sungah mualtungmi thautawi te leh Kawlgalkap te aki kap kido zawh uh kum 60 bang phata in hih hun sungah adiakdiak in Kachin, Shan, Karen thautawi (Rebel) te leh Kawlgapkap te kikap kido phadiak uhhi. Tua mah bang in zong minthangpha diak pah uh aa Kawlkumpin zong buaipih pha diak pah uhhi. Kawlgam sung ah CNF/ CNA te pen mualtungmi thautawi (Rebel) tenglak pan in Kawlgalkap te tawh nasiatak kikap kido cih omngei lo ahihmah bang in zong minthangvangvang khawllo pah uhhi.

Ahihzong in ah kikap kido na lam ah amin than vangvangloh hang in mualtung thautawi (Rebel) khat ahih na tawh in Kawlkumpi’n na nawlkhin tuan loin kilemna (Ceasefire) bawlpih ding in agel uh ahihi.

Ei zogam sungah thautawi (Rebel) gamleh minam aa ding aa asemkhia CNA/CNF leh ZRA/ZRO te om aa tua sungah CNF/CNA te pen tulai tak Kawlkumpi tawh kilemna (Ceasefire) bawlding in Zogamkhuapi Hakha ah aom laitak uh ahihi. Hih thu tawh ki sai in ah CNF/CNA te leh Kawlkumpi ten kilemna ongbawl theitaktak henla hi leh Zogamsung aom mipi tading in amau bang ongsep sak thei ding aa en amau aa ding bang pan la thei ding ih hi hiam? Gam sung khan toh na ding in kawi cidan in ma ong pang ding uh hiam cih pen lung lut huai mahmah hi.

Hih kilem na ong bawl na hang un ih Zogam ih Zolei leh asung aa teng Zomi te aa ding in hoih na hi ding maw? Cih ngak kawm sa in en ciat ni……