Friday, 20 January 2012

Yahoo! co-founder Jerry Yang in anasep nusia

Jerry Yang in ama patkhiatsa ahi Yahoo Company pan anasep khawlnathu pen akician in bangmah genkhia lianlo a, ahi zongin Yahoo akipat pan tunidong kaseptoh hi a, kalawpmah bangin nopzong kasa mahmah hi. Ahi zongin Yahoo Company pualam ah ka lunglutzawk nasep silbawl hunding ahun tungta hi cihciang khawngbek genkhia hi.
jerryyang
Forbes te genkhiatna ah Jerry Yang in Yahoo Company ah Share 3.6% bang nei ahih manin, US$1.1 Billion bang aneiding in gen uhhi.
Yahoo! Company sungpen buaina mahmahkhat omding inzong ki ummawhpian hi. Nungkum September 06, 2011 inzong Yahoo! CEO asemlaitak ahi Carol Bartz pen anasepna pan akhawlding in Phone tawh genziau uh a, anasep khawlsaksuak ziaumawk uhhi. Carol Bartz akhawlkhit ciangin CEO panmunlen omlianlo a, ahi zongin nungdeuh January 04, 2012 ni-in Scott Thompson in Yahoo! CEO semding hi ci'n ong tangko khia leuleu uhhi. Scott Thompson pen Paypal Company ah President asemsem ngeikhinkhat ahihi. Tulaitak Yahoo! Company ii Chairman pen Roy Bostock hi a, amahpen January 2008 kum akipan tunidong Chairman asem suaksuak ahihi.
Yahoo pen website minthang mahmahkhat hi a, Content zong tampi nei uhhi. Ahi zongin Search Engine lamsang ah Google Company te demzolo uh a, Social Networking lamahzong Facebook te demzolo uh ahih manin tavai pianpian uh cih kiza hi.

No comments:

Post a Comment

hih sung a ong lut ong ih u leh nau a kua mah peuhgh. it na khut tawh ban zal khut ong len in