Wesley Clinic Silver Jubilee Cup kizom kikta

Aki gelhni: Monday, 09 January 2012 23:37

Agelh: Peter Khampu

Bangzahvei kisim: 41

Share

0 Comments

Nungkum tuuk hun sunga kipan kimawlna ahi, "Wesley Clinic Silver Jubilee Cup" pen tu kumthak Jan.4,2012 ni-in kipan kik ta a, Northern Tahan Tualpi-ah, Quater Final hita hi.

(Jan.4,2012) - Tahan F leh Khawpuichip kimawl a, F=10 leh KPCP=3 hi a, F te Simi Final kah pah hi.

(Jan.5,2012) - Tahan B leh khat kimawl uh a, Tahan B te'n zo uh ahih manin Semi Final hi ta ding uh hi.

(Jan.6,2012) - Kawlkulh leh Myohla kikhum zo lo a; Penalty panin, Kawlkulh in 4=3 tawh zo-in, Semi final kah hi.

(Jan.7,2012) - Tahan A leh Southern Tahan (Zomite) kidem a, firt half ah, Tehan A ten goal 2 hong pia hi. Second half ah Tahan Zomite'n goal2 din kik hi. Tua pan a langnih tuakin goal khat tuak kipiak beh a, gaol 3 tuak tawh a kimawl laitaiun Minutes 90 hong bei ta hi. Penalty sui uh a, Ei milamte' suih nihvei pen a langlam goal keeper in dal khia zo a, Tahan A te' suih teng lut khin ahih manin goal 4=2 tawh Tahan A in zo uh a, Semi final sui dingin hong galkah san ta uh hi.

Man of the Match ah, Tg....,Tahan S. panin eimi No.17 in hong ngah hi. Hih Cup kituhna-ah Zomite' sungah kimawlna lamah i muan i suan khat ahi, Pa/U Cin Khan Lian (Pa Lian Pum' tapa), Go Lian Mung' upa zong Committee leh Advisor khatin nei uh a, thupi suahsak tuam mahmah hi. Ama hangin zong i angtang tuam hi. Tahan Coach panin Sia Mangno in zong bawlung suite thu-le-la tawh makaih ahih manin hiciang dong hong gualzo to uh ahi hi. Hih Wesley Cup ah Zomi team 4 kihel hi.

Pyidawtha, Singunau leh Tahan South hi a, Verpui/Kapleiveeng hi a, a dangteng ohsuh panin kia khin uh hi. Tua ahih manin Tahan S.te' tungah pahtawina leh lungdam angtanpihna thu i pualak hi. (St.Mary te na kihel kha le uh hoih ding hiven, ka na kici ciat uh hi).

MABAN PAWLKHAT:-

Tuni (Jan.9,2012) -Tahan F leh Kawlkul te'n Semi final sui ding uh a, tua a zo pen te Final kah ta ding uh hi. (Ken bel Tahan F mah in zo-in ummawh zaw ing).

(Jan.10,2012) - Tahan B leh Tahan A kimawl ding uh a, tua a zo pente Final kah ding uh hi. (B te'n zomawk un teh).

(Jan.13,2012) - FINAL kisui ding a, hih a tunga a zo leh a zote hi ding hi. Hih ni-in, Wesley Silver Jubilee Cup zawhpawi leh khakna thupitakin neihsawm uh hi. A thumna pen kituh ding geelna nei lo uh hi. Kawlpi khuasung, a en theithei in et huai ding hi, cih deihsakna tawh a ki-hawmsawn i hi ding hi. (Maan/Photo tawm hong khak ing).

WESLEY ZATOPI PEN ZOMI AKUAMAPEUH IN I ZATPIH, I MUAN I SUAN KHAT AHI HI.

Deihsak Thupuak,
Peter Khampu
Kalaymyo.