Tulsa Road Accident ah mikhat si, khat zato kipuak

Aki gelhni: Friday, 13 January 2012 15:29

ZomiDaily :: USA gamsung ah Zomi atampenpen atenna ahi Oklahoma State, Tulsa khuapi sungah Thursday ni-in Road Accident piang ahih manin mikhat sipah a, khat zato ah kipuak cih TulsaWorld pan kiza hi. Hih Accident apianna munpen Sandusky Avenue gei aom 121st Street tungah ahihi. Accident apian khitzawh ciangin 1:45 pm pawlin Police te kisampah a, Police te genkhiatna ah mawtaw khatin meikhuam (Power Pole) nawkkha ahih manin tuapan in Accident apiang cih genkhia uhhi.

EMSA Spokesman Chris Stevens genkhiatna ah aphual ah pasal khat sipah a, adang kum 33 khawng aphading pasal khatzong Ambulance tawh St. Francis Hospital ah kipuakpah cihi. Tulsa Police Cpl. Mike Fitzgerald inzong tua asipa pen mawtaw hawlpa hi a, aliampa pen Passenger hi'n bangmah liamngawh luatna omlo ahih manin anuntakna patauhhuailo ci'n genkhia hi.

Lampi nallo, meizun kailo ahih manin banghang in hih Accident pianghiam cih Police te'n akancian laitak ahihi. Tuaban ah Police te'n East 118th Street South leh Yale Avenue kikal lampi khakcippah uhhi. Cpl. Mike Fitzgerald genkhiatna ah nitak 5:30 pm dong lampi ki khakcipding cihi. Hih Tulsa Accident leh Tulsa aom Zomi te bangmah ki zopkhakna omloding in ih lamen hi.