Thai gam Zomi te leh UNHCR te ki muhkhopna

Aki gelhni: Tuesday, 03 January 2012

Agelh: Admin

Bangzahvei kisim: 110

Share

0 Comments

December 22, 2011 ni in UNHCR Bangkok zum pi aa leh Thai gam galtai Zomi te ki ho lim na neih thei ka hih man un Topa tung lung dam ih ko hi

ki ho na thu te

1. Zomi te Ethnic 1 in register ah hong ciam teh sak nang
2. Zomi gal tai te mai lam hun ding bang ciang aa lung muan na om
3. Umpiem camp ah Zomi te Ethnic ah Zomi hong at sak loh leh ethnic group activities te ah ki hel ding hong sap loh na hih thu lu teng tawh ki zui in ho lim na ki nei thei hi

Dawnkikna UNHCR pan

1. Zomi te ethnic 1 aa ciam teh ding tawh ki sai UNHCR in thu nei lo ahi zong in hi tawh ki sai in na kan ding hi ing UN in ethnic 1 aa ciam teh theih nang bang thu khun teng nei cih ahi zong Zomi tawh ki sai peuh " na kan ding hing hih pen Gam thu tawh ki sai zaw ahih ciang kawl gam ah ethnic group aa ki ciam teh 13 om in tua lo race ah pen nam tam pi tak ethnic aa ki ciam teh lo a om tua teng khem peuh ethnic aa ciam tehding baih lo hi lei tung mun tuam" ah mi nam tam pi ethnic in ki ciam teh nang han ciam aa ahi zong kua man tuni dong ciang ngah zo lo hi cih thu hong gen aa a hi zong in Zomi tawh ki sai thu te na kan pha ning tua pen Zomi te na khang tawn uh a ding hong hi ding hi na lung muang un ci'n kam ciam hong pia hi

2. Gal tai te tawh ki sai in tu lai tak pen illegal tawh om lai ahih man in legal ngal theih nang in UNHCR te in Thai thu nei te tung ah hantoh tawsawn na tampi ki nei in legal in refugee in hong ciamteh thei nang PAB ngah theih nang in mi 1 ciat tung ah thudot na dawng na te hong nei ding uh aa tua ah a ong te in legal in om theih na ngah ding hi tua ciang na hih bang un thu man tak in na dawng un cih thu hong gen hi.

3. Galtai camp aa om te pen camp sung mi khat na hih na uh tawh ham sat na ahi zong na lung sim bang uh pulak theih nang thu om a hih man in camp thu nei te tung hi ta leh KRC te kiang hi ta leh no mau vai khat peuh peuh ah ki pawl in ki pu lak un tua bang in pulak theih loh na khat a om leh hong gen un hong ci aa Umpiem camp te in ethnic tawh ki sai activities te ah ko zong hong ki hel sak nang tam vei pi ngen mah ta le un tuni ciang dong hong sam gei nai lo uh hi a cih pen lam dang sa mah2 uh hi hih thu tawh ki sai in KRC deek thu nei te tawh na ki mu ding hi ung hong ci hi,

Ko lam pan in Malaysia aa te zong Zomi tawh register ngah uh hi cih thu zong ki gen aa aman no bang hang Mizoram leh India UN zum ah pai lo aa hi lam ah hong pai na hi uh hiam cih thu hong dong aa ko tua lam pai nang ham sa sum leh paai/ pau aa ki pan lam pi leh security te ham sa lua ahih man ko ading in abaih zaw leh kawl pau ki zat theih na tawh in hi teng hong tung hi ung ka na ci uh hi

Hih a tung aa thu tawh ki sai in maban sep ding hoih sak dan atuam" te ahi zong ngaih sut piak na te nong neih sak beh ding in hong ngen hong lam en ung,

Holim khawm teng:

Paul Cin Lam Pau -Maela Camp
Lucy Ciin Za Cing -Umpiem camp
Pa Dal Khan Suan -Maela camp
Nu Thang Kang Cing- Maela camp
Tg.Mung -Maela camp

Zomi Association Thailand