Senator McConnell tawh kimuhna pan Dotna & Dawnna te

Aki gelhni: Tuesday, 24 January 2012 01:26

Agelh: Thang Khawm Pau

Bangzahvei kisim: 444

Share

1 Comment

 :: Tunung Saturday Jan 21,2012 ni suun nai 3 hun in Senator Mc Connell tawh Kawlgam mite kimuhkhopding kongtaangkona tawh kisai n Senator papen kokiangpan naikhatkhawng kipaina mukhat ah Refugee tetawh holimna aneihnapan ziakaaikha in honglapzolo hi. Amahtawh Kawlgam avazinkhawm ahi Mr REB BROWNELL (LEGISLATIVE DIRECTOR AND COUNCIL) tawh dotna dawnna leh holimna nai 3 sung kaneithei uhhi. Amasa in azinna uh amuh thuteng uhleh Kawlgam omzia anuai a bang in onggenkhia hi.

1. Senator Mc Connell pen kawlgamvaaitawh kisai thukhuntuamtuamte leh malaakna asepzawhkum 20 banghita a tutung akhualzinnatawhkisai in siangthotak leh kiciantak nate seemtheikisa a ahoihding muanna nei ahihman in palaaipuakding in khentat hi ci hi.

2. Senator pa tawh keitawh officer honkhattawh kavapai uh-a Kumpilampan, Mualtungmimakaaipawlkhat leh Suu Kyi tawh kakimu uhhi. Suu kyi in thunih ongvaaikha a gampualam a om kamitetung ah ongthapiakna te uh leh onghuhnate uhhang in lungdam nacihsak inla tunzong mualtungmite taangpalaaiding keimahmah kiteelna ah luutding kahihman in mee ongpia uhhen nacihsak in ongcih.

3. Tuaban ah Suu Kyi in zong mualtungmite tawhkisai aveinaleh tuatetawh kisai in kiciantak in policy aneihlam ongpulaak in thangahhuai theimahmah cihzong onggen hi.

4. Kumpilam pan kakimuhna uh ahzong ipsim omlo in thongkiate tawh kisai ahizong in thautawi mualtungmitetawh ahizong in leh party tuamtuamte tawh maa alaakziate thangahuai mahmahban ah ka omsung nangawn unzong khahkhiaziahziah cihzong onggen laai hi.

Mi thudongnuam kitam ahihman in ken huntam kangahkei a dotna 3 kadongtheihi. Amasa in kawlgampan pai Zomi kahihna leh ZNC member Pu Cin Sian Thang mi kahihna kakipulaak masa a anuai a bang in dotna kabawl hi.

1. Kawlmi pongpong leh kawlkumpite peen tunidongciang ko namtawm mualtungmite tung ah agenbang un onggamtalouh ahihman un kamuangzokei uhhi. nang leh senator pa muhna ah nokodin mun ah ding hikecin namuangdiam?

Dawna- Tuatawh kisai in kawlkumpiten namtawm minamte nengniam mahmah cihpeen komuhna ban ah tumahmah inzong lotdaw ah 75% bang mauhicihpeen kimuthei hi. A hizong in tun muhtheipahding in namtawmthautawite tawh kilemna la adiak in KNU bangtawh alamdangtak in kilemnalata, thongkiatekhahta , namtawm taangmitetawh vaaihawmkhawmta ban ah SUU KYi bangzong kiteelna luutding aluutnadingmunzong karen mite atamten mahmahna pan taangmia dinsaw himawk ahihman in keihileeng pilvaangkawmsa in muangning ci in nuipepasa in ongdawng hi.

2. Kawlkumpite in Sanction tawh kisai in US honmengmengding angetnatawh kisai in keimuhna ah kumpite in mausumbawl sumzonna ataangzaizawknading, gaalkaap kumpi thuneihna akip semsemnading ngimnahizawding in kamu-a No nabangcimuh uhhiam?

Dawnna- Tuatawh kisaipeen sumbawl sumzuaknatawh kisai in athuneipipeen Sente nahi in Tuanangmuhdanpian leh Sente holhthawhnazong tamsim hiding hiven ulian kakimuhpihkhempeuh un Sanction vaai ungetpi in ongnei uhhi. A hizong in pilvaangtak a ki encikding a kolampan ngetnate asep abawlnatungtawn un kikhiampanding a akikangkang hi ung in olnotak in kikhahkholding hi cihi.

3. Suu Kyi peen kiteelna ah ongluuttoto in mipisaanna gualzawhna ongngahleh zaleentak a vaaihawmtheina neitaktakding in na umhiam?
Dawnna- Tuatawh kisai in 1990 kum kiteelna bang enleeng thuneihna bukim kipialosuak hi. A hizong in tutunga ciangleuleu in gaalkaap ki ukna beita Democracy tawh akalsuansawm kumpitawh naseemding ahihman in zaleentaka vaaihawmtheihna neiding in kalam en hi. ongtungding april kha a kaalhalh kiteelding bangzong suakta zaleentak leh thumaantak hiding ci-in Thein Sein gen a kiteelna commission te zong gamdangtuampan sitteltheihna kipiading cin gen hi cihi.

Mikaangte khat in tun Kawlgam banghonghoihding hita cileeng Democracy System mantak in ongkalsuanleh hih ongtaaisa refugee te napuakkik uhdiam ci a adot leh, tua vaitawh kisai in geelna omkei, pawlkhat lah ciahveve inteh, pawlkhat lah kumtamta inteh, pawlkhatlah gammi suak inteh, pawlkhat lah sangkahlaklawh inteh, dawnhak theiliankeng ci hi.

Thang Khawm Pau ZOMi
ZomiDaily' Writer
1009 Bryant Way Apt B
Bowling green, Ky42103
Cell- 270 -9019388
Business- http://zomipau.acndirect.com