Pasal te Thahatna Ding

Aki gelhni: Monday, 16 January 2012 16:46

Agelh: Dr. Hau Za Cin

Bangzahvei kisim: 32

Share

View Comments

Numeit te'n a et uh ciang limci sa pian pah uh hi. Pasal in numei en leh a mel ahoih hiam, a kizepna a hoih hiam, a kipuah siam hiam kici hi. Numei in pasal a et ciang a thahatna, a mel leh puam, a din sanna, a awm golna, a khut leh a ban hatna en uh hi. Numei leh pasal i kilamdanna tuate hipah hi. Adang tampi omlai.

Tuni in i gennop bel thu tuampi khat hi.

Pasalte 'tha' a hatna dingin ngasa sungah 'tha' or 'ci' tam kiphum pen hi, kici hi. Tua man in ngasa sial tam ne Japan te bang a ci uh hoih, hat, cidam mahmah hi kici hi. Ahang pen ngasa sungah omega-3 fatty acids tampi om ahih hi. Japan ann minthang Sushi bang pen tam nek ding a hoih mahmah dan hi!

Tunai in University of Illinois, USA pan researcher te in a muhna khat vuah pasal ci 'sperm' pen a mukzum tawh numei 'egg' or 'tui' a sukkhak ciang a dawtvang theihna dingin a mukzum a hoih mahmah kisam a, tua a mukzum a hoih theihna dingin omega-3 fatty acids namkhat docosahexaenoic (DHA) kisam hi. Tua DHA pen ngasa sungah tampi kingah hi ci uh hi. Tua manin pasal ci a hoih mahmah zongin a mukzum hoih kei leh numei tui vutvang zolo ahih manin pasal ci pen 'hat' kici theilo hi.

Tua DHA ngahna dingin Sushi ah a kilim bawl mahmah ngasa nam nih Salmon leh Tuna hoih penpen hi kici hi. Aktui sial, bawngnawi khal, maimu leh singgah keu tuamtuam, kawlkai, ankampak leh asparagus cihte zong tam nek ding hoih hi kici hi.

Harvard University te sinna pan a muhna vuah annek gina lo hangin pasal ci hatna kiam thei hi ci uh hi. Tua manin meh kan a tam nekte, bung tawh a kikemsa ann namte tam nek luatna in pasal 'tha' hatlo sak thei hi. Ahi zongin ann siangtho (Zohuan meh nam) a tam nekte, anteh leh ngasa tui huan a tam nekte in thahatna tam ngah hi kici hi.

Nupi te lungdamna ding bek a gen hi kei hang, he heee.., cidamna ding a gen hizaw hang