Ngaihsutna: Zomi Traditional Dress
- Aki gelhni: Sunday, 29 January 2012 11:42
- Bangzahvei kisim: 37
Ei Zomite in ngeina puan, numeite a leh
pasalte’ a cihbangin kinei dimdiam hi.Numeite’ a pen puandum, khephiau,
zo nik cihbang in om hi. Puandum pen ki baat zaw hamtang hi. Zo nik pen
kiteng hamtang hi. Tua leh khephiau zong a kiteng nam hiin thei ing.
Kilawm thei mahmah hi.
Ahi zongin ei pasalte’ a pen puan laisan, tangciing leh angki (zopuantual) hi. A vekpi in a kisilh vive hizaw in thei 
ing.
ing.
Tuni a kong kup nop pen ahih leh: Mun
tuamtuam khua tuamtuam ah pawi khat peuh a kizat ciangin pasalte in
angki (zopuantual) pen kisilh ciat in a nuai ah pheituam khat peuh
kiteng hi. Pawlkhatte in Jean bang, aih kei leh pheituam a neih khat
peuh teng hi. Hih pen, kei’ ngaihsutna/muhna ah kilawm ka sa khin lian
kei hi. Cihnopna ah pawi khat peuh i zat ciangin Ngeina Lam, Ngeina La,
Sa Aih, Gal aih, Khuailak cihbang i lah ciangin, angki nuai ah khat in
Jean teng, khat in Velvet pheituam teng, khat in cotton pheituam khat
peuh teng (eima’ lemtang dan a i neih bang dan in kiteng hi/a colour
kibang mello ngen) ciat hi hang.
Tua ahih ciangin, kilawm khinlo hiam ci
in ka ngaihsun kha zel hi. Tua ahih manin, angki (zopuantual) nuai a ten
ding a kibang tangpi thei dingin hoih i sak khat bawlkhia leng (design
siam khat in hong design leh) ci in thu kong sung nuam hi. Tuabang a a
hoih a om pak kei leh zong, angki (zopuantual) nuai ah bangmah teng selo
in tua zopuantual pen bek teng leng bang a ci diam? Tua pen tualsak zaw
in kawnggak khat gak leng bang a ci tam ci nuam ing. Ngaihsutna sung
khawm leng banga ci tam???.
GS Lian Pau
New Delhi
New Delhi
No comments:
Post a Comment
hih sung a ong lut ong ih u leh nau a kua mah peuhgh. it na khut tawh ban zal khut ong len in