Kawlkumpi'n Zogam ading panpihna hong piakthakte

Aki gelhni: Wednesday, 11 January 2012 01:38

Agelh: Hau Thang

Bangzahvei kisim: 261

:: Tu kumthak pan in Zogam ading Kawlkumpi in khantoh nasepna hongnei a, Jan 5 ni-in Railyway's Minister Oo Aung Min, Forest Minister Oo Win Thun leh Zogam State Minister Hung Ngai te'n Tlangzawl-Laichi Motor lam bawlna, nasep zawhna dinmun va en uhhi. Hih lampi zo leh Zogam pan apiang van te Kawlpi & Falam khuapi ah nuamtak in ki zuakthei ding hi.

Tua ban ah Falam gamsung Khuangli leh Falam kizopna Tai 14 gamla motor lam leh Laibar khua leh Leidawh kizopna Tai kawk 15 gam latna te Motor lambawlna set tawh nasepnate Masuan va en uh hi. Kisam asak seplai diteng vai khak uh hi. Hakha khua pi hongtun uh ciang, Zogam dinmuntawh kituak Khantoh nasep na bulpi ding in , Niangteh huan bawl nate, Nailung kungciin na te leh Sial khawina te Phuah pha a, Masuan zop ding in Project Planning geelna nei uh hi.

Tua Khit Ciang in Forest Minister Oo Win Thun in Hakha Zatopi Civil Hospital ah zat ding, Kawlsum Sang 273.6 man Zato sungvan zat ding nam20, Thantlang gamsung Seino Laibu saal ah zat ding in Kawlsum Sang 4.86man Tv 3, Falam gam sung Laibusaal ah zatding Kawlsum Sang 4.86 man Tv3, Tonzang Laibu saal ah zat ding Kawlsum sang 3.24 man Tv 2, Tonzang Tan(10) High School ah zat ding Kawlsum Sang 4.4 man Computer leh Printer set khat, Cikha Khua zato pi ah zat ding Kawlsum Sang46.5 man Zatovan zat nam 3, Cikha Tan(10) High School ah zat ding Kawlsum Sang 4.4 man Computer 1 leh Printer 1, Rih Khuadar Zatopi ah zat ding Kawlsum Sang15.3 Zoto Vanzat nam 3 hong pia khia hi.