CNF palai te Zogam khuapi Hakha ah paita

Aki gelhni: Monday, 02 January 2012

Agelh: Timothy (Naulak)

Bangzahvei kisim: 203

Share3

0 Comments

ZomiDaily :: Kawlkum pi tawh aki ciamna mahbang un kilemna thu ki kumding in, tu ni January 02, 2012 ni zingsang nai 11 am kimpawl in CNF palai te Zogam khuapi Hakha lam zuan in zinkhia uh cih kiza hi.

CNF kilemna thu ki kupna ah akihel palai mi 10 te khual zin na lam dung teng ah gamsung aom mipi in na muak ciat ding uh hi ciin gamsung pan thu kizak na tungtawn in ki thei hi.

“Kum 20 sungtawn tung akimu ngei lo CNF makai pi te pen ki mu nuammahmah cihbel ahi ding mah hi, State kumpi ten zong hi bang aa kilem na thu kikup ding pen phal uh ahih man in ki lung dam mahmah hi” ci’n khua sung mi upa khat in gen hi.

CNF kilem na bawl ding aa apai palai te pen gamsung Peace and Tranquility  Committee makai pi Dr. Lal Uk leh khangno makai ahi Salai Van Chan Ceu te in gamgi ciang dawnding uh hi cih thu zong ki za hi.

Kilemna tawh kisai in ah thugen khuan angah Dr. Salai Ngun Chung Lian in “Kawlgam ah kum 60 sung gamsung kido na khawl in ah, atawntung aa kilem na bawlding pen CNF ten bel septheih sep mawh tawh maka pang uh hi. Tua ahih man in ah State level kilem napalai te tawh ki muh khawp ding pen athu kim ka hi uh hi” ci’n gen hi.

Hih mah tawh ki zom to in hi bang aa kilem na bawl pen galvan thauvui thau tang nusia aa agual lel ding leh kawlkum pi tawh kipawlding (အလင္း၀င္) cih dan asakhial zong om hi.  Ataktak in kilem na tawh kisai thu kikum cihciang in ah galvan thauvui thau tang nusia aa agual lel ding leh kawlkum pi tawh kipawlding (အလင္း၀င္) cih dan lam ahih loh pen ih theih ding ki sam hi ci in gen beh lai hi.

CNF lam pan in kilem napalai te pen Secretary Dr. Suikhur makai, makai nih na Pu H.C Lalnen, Dr. Salai Ngun Chung Lian, Colonel Solomon, Pu Thetni, Pu Zokhawm, Pu Hlathun, Pu NgaiCiaThang, Salai Peter Lian, Khenmaungli hi teng ki hel uh hi.

State kumpi lam pan palai te pen gamgi daihna vuanzi Colonel Zawmin makai ding aa tua sung ah U Vuanthawn, U Aungtaung, U Aungmin te ki hel ding aa Pithawngsuh kilem na pawl ten zong athu piang te kan ding in kihel ding uh cih thu ki za hi.