Afghan numei khat ekbuk sungah kha 5 sung kikhumcip

Aki gelhni: Sunday, 01 January 2012

Agelh: ZomiDaily

Bangzahvei kisim: 526

Share3

1 Comment

ZomiDaily :: Afghanistan gamah numei kum 15 khat apasal te innkuan in ekbuk sungah kha 5 sung khumcip uh cih DailyMail in genkhia hi. Sahar Gul kici kum 15 aphapan numeino pen pasal aneihkhit ciangin ateknu in apumpi zuakin sum zongding (Prostitute) in sawl a, utlo in nialkik ahih manin ekbuk sungah akhumcip uh cizen hi.

Nungkalsung in tuate innvengte'n numei kapkap, tautau khat za uh ahih manin Police tekiang akohna pan hihbang in aki bawlsiatlam aki theikhiapan ahihi. Police te genna ah numeino pen atekte'n inndawlnuai aom ekbuk sungah khumcik uh a, an leh tuizong themcikta bek pia uh cihi. A samzang tezong bawhkhiatsak uh a, tuabek thamlo akhutcin zong bawhsak uh ciliang hi.

Pliers khawngtawhzong aci asa pehkeksak gawp uh a, zatum khawngtawhzong asa bi in kangsak uh cilai hi. Doctors te'n hih numeino pen lungsim patau lauthawngden ahih manin Hospital ah sawtveikhop bawlcihtak in bawlkulding ci uhhi.

Afghanistan Health Minister Suraya Dalil in hihpen Afghan numei kibawlsia lakah ahuaisia penpen hiding a, hihbang in abawlsia tengpen nakpitak in gawtna dan piakkul hi. Tua hileh mailam ah hihbang in kibawlsiatna omngam nawnloding ci'n genkhia hi. Afghan Police te'n ateknu leh atanu mankhinta uh a, apasal leh atekpa pen matding in aki zonsan laitak ahihi. ZomiDaily