Zomi bup Lungdam Kohni - Zomi Thanksgiving Day

Aki gelhni: Wednesday, 28 December 2011

Agelh: Gin En Cin

Bangzahvei kisim: 113

Global Zomi Allian(GZA)Agenda GZA meeting Kawlpi

Zomi Bup Lungdamkoh Ni
Zomite i kipumkhat theih nadingin a kisam masapen le neih loh phamawh, ani kibanga lungdamkoh ni neih nading:

Bang hangin:
(1) Zomite in hong nei, thupha hong pia-a nisima hong makaih Pasian a kibamg a bia khawmte hihang.
(2) Pasian in Ama tungah lungdamkoh ding deih hi.
(3) Kithutuahna om ciangin eite tawh Pasian hong om khawm hi.
(4) Zomite Jesu sungah pumkhat i hihna lahna hi.
(5) Zomite in i lungsim, i pumpi, i neihsate Pasian tungah apkhawmna hi.
(6) Zomite Pasian biakna ah nampi khat i hihna lahna hi.
(7) Zomite in i omna peuhpeuh panin i lungsimte i gawmkhawmna hun hi.
Tua hi-a GZA lawhcin nading i deih leh lungdamkoh ni kibanga neihna tawh i pat ding ahi hi. (Seek first the Kingdom & His righteousness)

Ani ding pen:
(1) Zomite simlo khote le zolo khote in inn tut kim hun
(2) 1905 kum Kam Hau uk sungah Thupha puak sangmang masa Dr. East in a tuiphum masak pen le sangkah masapente phawkna kum 100 cin pawi mi 1000 aw tawh Hallelujah lapi sa-a lungdamkohna hun (2005)
(3) Mi 3500 val aw tawh Festival of Praise bawla Zomite tangthu i gelh hun (2005)
(4) Zomite lai hong bawlsak Cope topa Tedim tun kum 100 cin pawipi; akhual atual Zomite tam i kisuk tuahpen hun (2010)
(5) Global Zomi Allianca kiphuat hun (2010)
(6) Zogam a biakinn lianpen(CMBC) hon hun(2010)
(7) Zomite mi 18 si-a i tuahsiat pen hun (2010)

Hih a ciamtehtak mahmah thu 7 banah a phawkhuai dang tampi om lai ding hi. Hihte khempeuh akum kumin November Nipi nunung huam sunga thupiang vive ahi hi. Tu ei khanghun adingin Zomite lungsim kikhat a Pasian tungah i koh nop teng i koh ding hun a kilawmpen hi kha ding hi. Kum 5 sung bang hih lungdamkohna hun a zang khinsa i om hi. Ahi zongin a kilawm zaw hun a om leh ngaihsun khawmin Zomite kithukhat nading a hoih penpen hunin Zomi Bup in lungdamkoh hun i neih khawm ding thu kong sung hi.

H. Gin En Cin D.D
Coordinator Zomi Christian Alliance(ZCA)
Yangon