Kachin gam Phakant ahzong Tedim Innkuan kinei

Aki gelhni: Thursday, 29 December 2011

:: Tulaitak leitung muntuamtuam, gamtuamtuam ah "Zomi Innkuan" ci'n kipawlna ihneih kawikawi mahbangin Kawlgam, Kachin State sung aom ahi Phakant khua ahzong Tedim Innkuan kinei cih Sia Khen Ngaih Khup in ZomiDaily ah ong zasak hi.

Phakant khua pen "The land of Jade" aki cihliang mahbangin Zomi tampitakzong suangmanpha zongding in kipai ngeingai a, ih lamet bangin ih tuahphat lohciang in innlam ciahding ki awlmawh khanawnlo theihi. Tulaitak Phakant ah ei Zomi 200 valbang omlaiding in ki ummawh hi.

Phakant ah hatsakna tuamtuam ihtuahkhakciang kiet kivantheih nadingin Tedim Innkuan akinei hi a, tuamah bangin innlam tawh kithuzalo suangkhukto apai ih sanggam tezong kankhiattheih nading in Tedim Innkuan pan ong vaihawmsak theiding uhhi.

Vaikhat peuhpeuh hangin Phakant aom Tedim Innkuan tawh naki zopnopleh Contact Person pen Sia Khen Ngaih Khup hi a, email khup.lsf@gmail.com tawh lai kikhak theihi. Zomi te ih omna ciatciat ah ki pawlkhopna ihneihtheih kawikawi manin ih angtang mahmah hi.